پار ¹/par: ن:[ کات] [ پهـ: پار ، pār] ساڵی ڕابردوو، سالێک لەمەوبەر.

{

چەند ساڵ گولی هیوای ئێمە پێ پەست بوو تاكو پار

هەر خوێنی ڵاوەكان بۆ گولی ئالـی نەوبەهار

}{ پیرەمێرد}.

.

.

______________________

پار ²/par: ئان:[ کباک] بەشێكی گەورە لە شتێكی تەواو. پشک، پەشک، پارانیژی.

پارە/pare: نتـ:[ پار+ ئە] تیكە، پارچە، بەڵام لەگەڵ نان وچێشت دا دەگووترێت وەك :: پارەیەک نان.

{

ئەی ڕەفیقانی تەریقەت دەردی ئیشقم چارەکەن 

یان بەجارێ بمکوژن جەرگم بە خەنجەر پارەکەن

}{ تاهیر به‌گ}

پارەپارە/parepare: ئانتـ: پارچەپارچە، تیكە تیكە، كوت كوت.

{

وەر ژ قەوسەینان بەمیزان بێتەدەر جۆتەك خەدەنگ

دێ جگەر بت پارەپارە، سینە تار و ماربت

}{جەزیری}.

پارەخشت/parexiŝit: نتـ: لەتكەخشت.

پارەپارەكردن/parepare kirdin: كتپ: لەتلەت كردن، لەت و بەت كردن، بنجر بنجركردن، پارچەپارچەكردن.

پاربوون/parbǔn: كتن:[ كباك، زا][ پار+ بوون] بەشبوون.

پارچە/parĉe: نتـ:[ پار+ چە( بچوك)]

1 – بڕكە، پاژ، چێنی، ساد، کەرتک، كووزی، لەت،    تیلمە، تیكە، ژەنیك، پچ، فەلق، كوت، جەنەكە، لەتك، لەه، جزار، دەرقەل، دۆن، زۆڵاك، چوون، چزال، كولك.

2 – كووتاڵ، كاڵا، پەتر، پاترۆتك، پڕزۆڵە، پەترۆك، پرتكە، واڵا، ماوت، چۆخ، قەتك

:: چۆخینە كە پارچەكرا.

پارچەبەندی/parĉebendî: نتـ:[ پارچە+ بەند+ ی]

1 – داهێندراوی شتێك، كە لەو كەرەستانە‌ی بەردەست یا دەستكەوتوو دروستكرابێت.

2 – [ وێژە] پارچەیەك دروستكرابێت، لە بابەتی هەمەجۆر.

3 – [هونەر] پارچەیەك لەكاری دەستی كوتوپڕ.

4 – بەكارهێنانی هەمەچەشن، لە شێواز و لێكۆلینەوەی هەمە جۆر.

پارچەبوون/parĉebǔn: كتن:[ پارچە+ بوون] لەتبوون، گوورین.

پارچەپارچە/parĉe parĉe: ئانتـ: بڕەبڕە، لەتلەتە، كوتكوت، تیكەتیكە، تڵیشتڵیش، لەتك لەتك، پەڵپەل، پلپل، شەقوپەق، پچڕپچڕ، جڕبەجڕ، شەتوپەت.

پارچەپارچەبوون/parĉeparĉebǔn: كتن:[ پارچەپارچە+ بوون] تڵیش تڵیش بوون، لەتلەت بوون، قەڵشتن، بەرقیتن، بەلقین.

پارچە پارچەكردن/parĉeparĉekirdin: كتپ:[ پارچەپارچە+ كردن] پاتەكردن، لەتكردن، پاترۆپاتۆركردن.

پارچەتەختە/parĉe texite: نتـ: پاڵافتە.

پارچەدابەش كردن/parĉedabeŝ kirdin: كتپ: بڕین، لەتكردن.

پارچە داری یاری كردن /parĉe darî yarî kirdin: كتپ:

پارچەكردن/parĉe kirdin: كتپ:[ پارچە+ كردن] پاتەكردن، لەتكردن.

پارچەفرۆش/parĉe firoŝ: نفا: كووتاڵفرۆش، بازرگانی ووردە.

پارچۆكە/parĉoke: نتـ:[ پار+ چۆكە] ئەتۆم.

پارچۆڵكە/parĉoľke: ئانتـ: [پار+چۆ لكە] كەمێك. 

پاردار/pardar: ئانتـ:[ زا][ پار+ دار] پشكدار، بەشدار.

پارداری/pardarî: نچ:[ پار+ داری] پشكداری، بەشداری.

پارداری كردن/pardarîkirdin: كتپ:[ پارداری+ كردن] پشككرن.

پاركرن/parkirin: كتپ:[ كباك] بەشكردن.

.

.

_______________________

پار/par: ن: گڵۆڵەی بەن و دەزوو( كباك)، كڵافە _ كەڵافە.

پارەهڵكەر/parhiľker: نفا:[ پارە+ هڵكەر( هەڵ _  كەر( كردن)] خووێگل، كڵافە هڵكەر، كەڵاف هەڵكەر، چەرخی دەزوو هەڵكەر.

.

.

______________________

پار/par: ن: [ كشت] لەوەر، پووش.

.

.

.

.

.