ئاشت/aşit: ئان:{{ ته‌ر، تر }{ ته‌رین، ترین }}[ ئاڤێستایی : ئاخشنی][ پهـ : ئاشت] رێک، ساز، ته‌با، کۆک، نێوان خۆش : یه‌کگرتوو واتا حاله‌تی نێوان دوو یا چه‌ند که‌س، ده‌سته، به‌ره‌و ده‌وڵه‌ت که ناخۆشی و ناکۆکیان شه‌رو کوشتاریان له نێوان نه‌بێت.
:: یاخوا هه‌ر ئاشتی بێت له نێوان پارتی و یه‌کێتی. ئێستا ئه‌ڵمانیا و فه‌ره‌نسا ئاشتن.
ئاشتبوون/aşitbûn: کتن:
ئاشتبوونه‌وه/aşitbûnewe: کتن: ڕێککه‌وتنوه، یه‌کگرتنه‌وه، سازبوونه‌وه، یه‌ککه‌وتنه‌وه‌ی پاش ناکۆکی .
:: ئه‌م ئاشت بوونه‌وه‌یه‌مان به‌کیف بوو. له خۆڕا ده‌نگیان لێکگۆری بوو به‌خۆشیان ئاشتبوونه‌وه.
:: دوای سێ ساڵ چه‌نگ ئاشتبوونه‌وه. ئاشتی کتک و مشک، پرسه‌ی به‌قاڵه.
: شڕ: یه‌کگرتنی دوونه‌یار به‌رامبه‌ر که‌سێکی دیکه تیاچوون ته‌نیا که‌سی سێهه‌مه.
ئاشتدیت/aşitdît: نفا:[ ئاشت+ دیت( دیتن)] که‌سێک بتوانێت چاره سه‌ر بۆ ناکۆکی ببینێته‌وه.
ئاشتکه‌ر/aşitker: ئانفا:[ ئاشت+ که‌ر( کرن/کردن)] ئارامکه‌ر، متکه‌ر، هه‌دارکه‌ر.
ئاشتکرن/aşitkirin: کتپ:[ كباك] ئاشتکردن، هه‌دارکرن.
ئاشتکردنه‌وه/aşit kirdinewe: کتپ: رێککه‌وتنه‌وه، پێکهێنانه‌وه، سازکردنه‌وه، پێوه‌ندی نێوان دوو که‌س یان دوولایه‌ن. ئاشتکردنه‌وه‌ی پارته‌کانی کورد له‌قازانجی نه‌ته‌وه‌ی کورده.
ئاشتوکت/aşitûkit: نتـ:[ ئاشت+ و+ کت] هه‌دار وکت.
ئاشتێتی/aşitêtî: نچ: دژ شه‌ری.
ئاشتی/aşitî: نچ:[ ئاڤێستایی : ئاخشی، پهـ: ئاشتیهـ : āŝtih]
1 – ناوی یه‌زدی ئاشتی له هه‌فته‌مین یه‌شتی بچووکه.
2 – ڕێک و دۆستایه‌تی، پێکه‌وه ژیان، پێکهاتن، دوور له‌شه‌ر و ناته‌بایی، کۆکی، هه‌داری
:: به‌داخه‌وه ئاشتی هه‌رگیز له‌ناو مان ساز نابێت.
ئاشتیخواز/aşitîxwaz: نفا:[ ئاشتی+ خواز( خوڕستن)]
1 – ده‌ستڤیلک، ئاشتی په‌روه‌ر : که‌سێ حه‌زی له ئاشتی بێت.
2 – : ئان: دۆست په‌روه‌ر
:: ئاشتی کتک ومشک پرسه‌ی به‌قاله: یه‌کگرتنی دوو دوژمن به‌رانیه‌ر که‌سێکی دیکه تێدا چوونه ته‌نـها که‌سه‌که‌ی سێهه‌مینه.
ئاشتیخوازێتی/aşitîxwazêtî: نچ: ئاشتی په‌رستێتی.
ئاشتیخوازی/aşitîxwazî: نچ:[ ڕامیا] ده‌ستڤیلکی: شێوازێکی شێوه لیبرلییه، ئه‌و که‌سانه‌ن که بڕوایان به ئاشتی هه‌یه‌و دژی هه‌موو جۆره چه‌نگێکن.
ئاشتیخوازی کردن/aşitîxwazî kirdin: کتپ: زاراوه‌یه‌کی ڕامیارییه بۆ هێورکردنه‌وه‌ی ناهه‌مواری باری ڕامیاری دوو لایه‌ن.
ئاشتی کار/aşitî kar: ئانفا:[ ئاشتی+ کار(کردن)] ناوبژیکار.
ئاشتی چێکه‌ر/aşitî çêker: ئانفا: ئاشتی کار.
ئاشتی چێکرن/aşitî çêkirin: کتپ: ئاشتیکردن.
په‌یمانی ئاشتی/peymanî aşitî: نتـ: زاراوه‌یه‌کی ڕامیارییه.
پنەئاشت بییەیۆ/pine aşit bîyeyo: کتن:[ هـ][ پنە+ ئاشت+ بییەی+ ۆ] پێ ئاشتبوونەوە.
پنەئاشت کەرڎەیۆ/pine aşit kerđeyo: کتن:[ هـ][ پنە+ ئاشت+ بییەی+ ۆ] پێ ئاشتکردنەوە.
.
.
.
.