ئاشکرا/aşkira: ئان: ئاشکار، ئاشکاره‌، ئه‌شکاره، ئەشکەرا، به‌رچاو، بروز، خویا، ڕۆشن، ڕوون، دیار، درکان: شتی دیاری نمایان: چڵۆنایه‌تی کار، کێشه‌یه‌ک یان شتێک که‌ئه‌وه‌نده‌ روون و بێگرێ وگۆڵ بێت، مرۆ‌ڤ به‌ ئاسانی سه‌ره‌وده‌ری لێبکات و تێیبگات.[ ئینگـ: board above ، overt].

[ سانسکریت: ئا‌ڤیشیه‌][ پهـ: āŝkārak]

  لە فەرهەنگی زمانی ئاڤێستادا، وەها تۆمارکراوە 
 گۆکردنی بەکوردی زمانی ئاڤێستایی   واتای بەئینگلیزی
ئاشکه‌ری vrakSA overt

:‌: ئاشکرایه‌ خوێندن باشه‌.

:: وه‌ک رۆژ ئاشکرا بوو، ئه‌وکاره‌ سه‌رناگرێت.  

(به‌)ئاشکرا/be)aşkira): ئاکتـ:

1 – بێپه‌روا، بێپه‌رده‌، چاوقایمانه‌، بێدوودڵی، به‌دڵنیاییه‌وه‌.

2 – به‌ته‌واوه‌تی.

:: ئه‌مه‌ریکا به‌ئاشکرا شه‌ری دژی سه‌دام هه‌ڵکرد.

:: به‌ئاشکرا ده‌دزێت.{ پپ} هیچ شتێ تا سه‌ر له‌ په‌رده‌ دانامێنێته‌وه‌.

ئاشکرابوون/aşkirabûn: کتن:

1- ده‌رکه‌وتن(نهێنی، کار، قسه‌، شت)، کەوتنەبەرچاوان، وه‌دیارکه‌وتن، په‌رده‌له‌سه‌رلاچوون(له‌سه‌ر ئیشێکی نهێنی).[ ئینگـ: appearance].{ کەمالنامە، ل، 777}.

2- پەردەدڕان، نهێنی درکاندن، زه‌لـله‌کردن، په‌نهانکردن(نـهێنی)، به‌هه‌ڵه‌داچوون.

:: ئیمرۆش نه‌بێت سبه‌ینێ هه‌ر ئاشکرا ده‌بێت.

:: ئێستا زۆر چاک ئاشکرا بووه‌ دوژمنی میله‌تی کورد کێیه ؟.

(لێک)ئاشکرابوون/aşkirabûn(lêk): کتن: بۆیه‌کترده‌رکه‌وتن، ده‌ستبۆیه‌کترکه‌وتنه‌ڕوو، خستنه‌ڕوو. یه‌کترناسینه‌وه‌، یه‌کتر وه‌بیرهاتنه‌وه‌، وه‌یادکردنه‌وه.

:‌: هه‌رشه‌به‌قی دا دۆست ودوژمن لێک ئاشکراده‌بن.

ئاشکرابێژ/aşkirabêj: ئانفا:كه‌سێک نهێنی نه‌شارێته‌وه‌.

ئاشکرابێژی/aşkirabêjî: ئاکتـ: نهێنی ده‌رخستنی.

ئاشکراکار/aşkirakar: ن، ئان: ئاشکراکه‌ر، ده‌رخه‌ر.

ئاشکراکردن/aşkira kirdin:کتپ: ئاشکراکرن.

1 – ده‌رخستن(نهێنی)، بڵاوکردنه‌وه‌، وه‌ده‌رنان.

2 – درکاندن، په‌رده‌له‌سه‌رنهێنی دامالین. ده‌رخستن.

:: که‌س به‌جێگای چاپخانه‌که‌ی نه‌ده‌زانی حه‌مه‌ ئاشکرای کرد.

:: که‌س ئاگای له‌م به‌ین وکه‌ینه‌ نیه‌، تۆبڵێی ئاشکرای که‌ن.

3 – روونکردنه‌وه‌(هه‌ڵوێست)، ڕۆشنکردنه‌وه‌.

4 – له‌ئه‌م ترازان، ساتمه‌کردن.

پێئاشکراکردن/pêaşkirakirdin: کتپ: ئاشکراکردنی کێشه‌یه‌ک به‌هۆی که‌سێکه‌وه‌ که‌ئاگایی لێهه‌بێت، جا به‌هه‌وڵ یا به‌ته‌قه‌ڵا بێت. یان به‌هه‌ر شێوه‌یه‌کی تر بێت. بەزه‌بری تێلا دزێکیان به‌خدر ئاشکراکرد.

ئاشکرایه‌/aşkiraye: شر: دیاره‌!، وایه‌!، ڕوونه‌!،(چۆنێتی شت، قسه‌، چورتم).

ئاشکرایی/aşkirayî: نچ: بێپێچوپه‌نا، ڕوونی، به‌رگه‌هی، به‌رچاوی.[ ئینگـ: puplic]{ کەمالنامە، ل، 238}. 

:: ئاشکرایی له‌مه‌زیاتر! که‌ی خۆی پێی لێده‌نێت. 

ئاشکرایی لێگۆتن/aşkiray lêgotin: کتپ: ده‌رخستنی نهێنی کێشه‌وکارێک، که‌ دوو یاخود چه‌ند که‌س بیزانن، له‌لایه‌ن یه‌کێک له‌خۆیانه‌وه‌. 

:: ئاشکرایی لێیبێت بابه‌خیدا بشکێته‌وه‌، ڕاستی لێگۆتن.

نائاشکرا/naaşkira: ئانتـ: پەردە، شاراوە، نهێنی.

.

.

.

.