ئه‌سپه‌ره ¹ /espere: ن:[ رۆژک، سنـ] پیک: پارچه دارێکه، 20 سانتیمه‌تر درێژده‌بێت و پێنج سانتیمه‌تر ئه‌ستوورده‌بێت، پاش لێک و لووسکردن و تاشینی ڕوویه‌کی پان و ڕاست ولایه‌که‌ی تری له‌ناوه‌ڕاستدا ئه‌ستووره، وورده‌وورده به ڕاست و چه‌پدا ته‌نک ده‌بێته‌وه، کونێکی خری تێده‌کرێت و ده‌خرێته سه‌ر ده‌سه‌بێل و پێمه‌ڕه، له‌وه‌ختی ئیشا قاچی ده‌خرێته سه‌ر تا پێمه‌ڕه‌که هاسانتر و خێراتر له‌زه‌وی بچێته‌خوار و ئه‌وه‌نده‌ش پێویستی به‌هێزی ده‌ست نه‌بێت.
.
.
______________
ئه‌سپه‌ره ²/espere: ن:[ ڕوو]
1 – زه‌رتک، گێنوو، ئه‌سپه‌ره‌ک، گه‌سکه : گیایه‌که ڕه‌نگی زه‌ردی لێ ده‌رده‌هێندرێت.
2 – زه‌رده‌چه‌وه( به‌هاراته‌و ده‌رمانیشه) وه‌ک مه‌رهه‌م به‌کاردێت.
.
.
__________________
ئه‌سپه‌ره ³/espere: ن:[ ئەند] پارچه دارێکه ده‌خرێته به‌ینی میچ و کۆڵه‌که‌ی خانوو، تا ئه‌وشوێنه‌ی میچی ده‌که‌وێته سه‌ر تۆزی پانتر بێت و قورسایی میچه‌که دابه‌ش ببێت.
| تێبینی |
| وا دیاره ڕه‌چه‌ڵه‌کی ئه‌م وشه‌یه( ئه‌سپاره) بێت و له( ئه‌سپاردن) داتاشرابێت و[ ژابا :( ئه‌سپاره‌بووین) ئاوه‌ها لێکیده‌داته‌وه، پاڵ دانه‌وه بەسه‌ر که‌سێکدا یان کۆمه‌گ و پشتیوانی کردنی یه‌کێک. هه‌ڵپه‌ساردنی شتێک به‌شتێکی تره‌وه. هێزو زۆر خستنه‌سه‌ر شتێک.{ زه‌بیحی} |
.
.
.
.