تۆق¹/toq: ن:[ کباک][ ع : طوق]
1 – گەردنبەدی ژنانە : لە زێر و زیو دروستدەکرێت : ملوانکە.
2 – هەر شتێک کە وەک ئاڵقەی ئاسن لە مدابێت.
3 – خەتێک وەک ئەڵقە لەملی گیانداردا.
{
قەیسەری رومێ لسەر حەددی فەرەنگ
تۆق و زنجیر ڤەبەستن چەپ و راست
}{جزیری}.
تۆقی گاسنی/toqî gasinî: نتـ:[ تۆقی+ گاسنی] تەوقێکە لە دار یا لە ئاسن، کەمەرێکە لە دار و ئاسن دروست دەکرێت.
تۆقی لەعنەت/toqî leänet: نتـ:[ تۆق+ ئی+ لەعنەت]
1 – لەعنەتی هەمیشەیی، نەفرەتی هەردەمی.
2 – [ ئد] ژن و هاوسەرەکەی، کە هەتا سەر دەگەڵ یەکتر دەژین، بەڵام بەتایبەت جۆری خراپ.
:: هێمن نیگەران بوو، بەڵام نەیدەزانی تۆقی لەعنەتی بۆ دێنن.
تۆقی لەعنەت لەملدابوون/toqî leänet lemildabûn: کتن، شڕ:[ ئد] بە نەفرەت بوونی هەمیشەیی.
{
بە لەعنەت بێ وەک ئەزازیل، تۆقی لەعنەتی بێ لە ملانە
جا هیچ فەرقی نیە، ئەویش هەر شوبرە و هەر شەیتانە
}{ ؟}.
تۆقی لەعنەت لەمل کەسێک کردن/toqî leänet le milkesěk kirdin: کتپ: کەسێک بۆ هەمیشە بە لەعنەت کردن.
.
.
_______________________
تۆق²/toq: ن:[دەنگ]
1 – دەنگی تەقەمەنی، تەقە، تەق.
2 – کپ.
تۆقکردن/toqkirdin: کتپ: ماندووبوونی منداڵ لەگریانی زۆر و بێدەنگ بوونی.
تۆقان/toqan: ن:[ تۆق+ ئان]
1 – تەقین، ترەقان : تەقینی چەک و هیتر.
2 – زۆرترسان، زراوچوون.
تۆقاندن/toqandin: کتپ:[ تۆق+ ئاندن]
1 – تەقاندن: تەقاندنی چەکەمەنی یا تەقاندنی زیپکە و بلۆق.
2 – ترساندنی زۆر، تیرۆر، زراوبردن، زەهلەبردن، تووقاندن.
تۆقێن/toqěn: ئان: هەرشتێک ببێتە مایەی ترس.
تۆقێنەر/toqěner: نفا:[ تۆق+ هێنەر( هێنان)] شتێک یا کەسێک کە ترسێکی زۆر پێک دێنێ و جێگای مەترسییە، بەسام، ترسناک.
تۆقیان /toqyan: کتن:[ ئەردە][ تۆق+ یان] تووقیان، ترەکین، درزبردن، تۆقین.
تۆقین/toqîn: کتن:[ تۆق+ ین]
1 – تەقین.
2 – ترسانی زۆر.
:: کە چاوم بە سیمای کرێتی کەوت تۆقیم و وەختابوو شێت بم.
تۆقیو/toqîw: ئانفا:[ تۆقین] ترساو، زراوچوو، زراوبڕاو.
.
.
.
.