مێلاق/mêlaq: ن:[ ڕوو]
1 – ئانگور: بریتییه له ئه‌و ترێیه‌ی که‌هه‌ڵده‌گیرێت بۆ زمستان.
2 – ترێی هەڵگیراو بۆ وەرزی زستان.{ هەمبانەبۆرینە، ل، 845}.
مێلاقە/mêlaqe: ن:[ ڕوو] مێلاق.
.
.
_____________
مێلاق/mêlaq: ن:
1 – جۆرە گوڵێکی سوورە لە گوڵاڵەسوورە پچووکترە.{ خاڵ، ل، 463}
2 – ڕەبەنۆک : گوڵێکی سووری ئاڵە.{ هەمبانەبۆرینە، ل، 845}.
{
دەسکی مێلاق و گەزیزە و نێرگز و لالا ئەکەن
داوەتی سێ گرمەکێ تەشخیسی پێش دادیان ئەکەن
}{ ئەسیری}
یان
{
ئه‌سترێلک و ئه‌سپۆن که‌نێره و قه‌دسوور
خاشخاشی جوان و گوڵی جۆراو جوور
مێلاق و سیر و تیسمۆرکه و ڕۆنیاس
گوڵی ئاڵه‌کۆک و سیرمۆکه و ڕێواس
}{ خۆشناو، ئاڵەکۆک}
.
.
.
.