لەت/let: ئان: پارە _ پارچە، پاژە، پەرچق، پرت، پرزۆل، تیلمە، زوولاک، ساد، شەق، کەر، كەرت، کەرک، کوت، کووز، لاتک، لەتک، لەهـ، نییڤ، نییوە، ووردە.

.

لەتەبەرد/leteberd: نتـ:[ لەت+ ئە+ بەرد] پاڵانتە.

.

لەتەبەیت/lete beyit: نتـ:[ لەت+ ئە+ بەیت] پارچە بەیت.

:: غەزەڵ شيعريک بوو لاي کەم لە 5 بەيت  کە لەتە بەيت هەوەڵ و لەتەبەيتاني جفتي ئەوە هاوپاشبەند بوون. { غەزەل}.

.

لەتەپەڕۆ/letepeřo: نتـ:[ لەت+ ئە+ پەڕۆ] پارچەپەڕۆ.

:: ئاڵا تەنیا هی دەوڵەتە یان هی خەڵکیش؟  لەتەپەڕۆیەکی سادەیە یان سیمبولێکی واتادار ؟ . { شێرکۆ جیهانی}.

.

لەتەسواڵەت/letesisaľet: نتـ:[ لەت+ ئە+ سواڵەت] پارچە سواڵەت.

:: لە زێویە ٣٥ هەزار لەتە سواڵەت بوونی هەیە كە زۆر جێگای بایەخن و بۆ راگرتنی ئەو ئاسەوارانە بڕیاری دروستكردنی بانكی سواڵەت لەو شوێنە مێژووییە دراوە. دەگوترێت، مێژووی ئەو لەتە سواڵەتانە دەگەڕێنەوە بۆ سەردەمی دەسەڵاتداریەتی ماد، مانا، ئۆراتوویی، ئاشووری و هەخامەنیشییەكان.{ کوردپا}  

.

لەتەگۆشت/letegošt: نتـ:[ لەت+ ئە+ گۆشت] پارچەگۆشت.

.

لەتەگوریس/letegurîs: نتـ:[ لەت+ ئە+ گوریس] پەتک _ پەلەتک.

.

لەتەگون/letegun: نتـ:[ لەت+ ئە+ گون] تاکەگون.

{

لەنزیك ئاوایی

نیشتمان پێکراوە

مانا خانەگومان

خیانەت لەبنەبانی مێژوو

لەسەر لەتە گونێك

خەریکی تاوڵەی زمان و دۆمینەی مەردایەتییە.

}{ کەژال عەلی}

.

لەتەنان/letenan: نتـ:[ لەت+ ئە+ نان] پارچەنان.

:: لە سەر دزینی لەتەنانێک منیان برد بۆ زیندان، وه‌ نزیكه‌ی پازده‌ ساڵ له‌و زیندانه‌دا، هه‌مو ڕۆژێك نانێكی ته‌واویان ده‌دامێ به‌خۆرایی.
{ ژان ژاك رۆسۆ}.

.

لەتەهێڵ/lete hěľ: نتـ:[ ئەند][ لەت+ ئە+ هێڵ] پارچەهێل : لە ئەندازە، پارچەھێڵ لەتێک لە ھێڵ (ئەندازە) کە لە لایەن دوو خاڵ (ئەندازە) جیاوازەوە سنووردار کرابێتەوە. { }

.

.

لەتبوو/let bû: نفا: پارچەبوو : دابڕاو.

لەتبوون/let bûn: کتن: پاربوون _ پارچەبوون، شەق بوون.

:: دوو لەت بوونی مرۆڤەكان.

:: هەر کەس پێیوابێ لە لەتبوون قازانجی کردووە، لەهەڵە دایە.{ عەبدوڵلا حەسەن زادە }.

لەتبوونەوە/letbûnewe: کتن: پارچەبوونەوە.

.

لەتک/letik: نتـ:[ لەت+ ک] پارچە، لاکت، لەت، لەتکە، نییڤانی.

:: بۆنی خاک و خۆلی ئەو کێوانە دوای یەکەمین بارانی پایز و ھەڵگرتنی لەتک و کەرستەی ئامادە بۆ زستان ئاوازێکی حیابەگ روستایی و ئاوازێکی ناوازەی دۆلی روست ھەرچی خەمی دنیا ھەیە لە بیرت دەباتەوە…{ دۆڵی روستێ}

لەتکە/letike: نتـ:[ لەت+ کە]

پارچە، کووز، نیم کوت، نیم هاژ، کلۆ، وردکە، کوتراو، هاراوی درشت.

لەتکەی تۆوی ڕووەک.

.

لەتکەخشت/letike xišt: نتـ:[ لەتکە+ خشت]

1-[ ئەند] ئاجوور، زەنگۆڵ : پارچەخشتی ناڕێک.

2-[ شار] خرچان.

.

لەتکەخۆخ/letike xox: نتـ:[ خوار][ لەتکە+ خۆخ] ئەو خۆخە وشککراوەیە بۆ خۆراکی زمستان هەڵدەگیرێت.

لەتکەسێو/letike sêw: نتـ:[ خوار] [ لەتکە+ سێو]  ئەو سێوە وشککراوەیە بۆ خۆراکی زمستان هەڵدەگیرێت یان بۆ ناو کێک دروستکردن.

لەتكە نۆك/letike nok: نتـ:[ هـ][ خوار]  ئاڵیینۆك، ئاریینۆك، لەتكەنۆك، لەپ _ لەپە، نخۆشە.

لەتکە هەرمێ/letike hermê: نتـ:[ خوار][ لەتکە+ هەرمێ] ئەو هەرمێ یە وشککراوەیە بۆ خۆراکی زمستان هەڵدەگیرێت.

:: هەرمی لەتکە دەکریت و ووشکی دەکرێت بۆ زمستان.

لەتکەهەنجیر/letike hencîr: نتـ:[ خوار][ لەتکە+ هەنجیر] ئەو هەنجیرە وشککراوەیە بۆ خۆراکی زمستان هەڵدەگیرێت.

.

لەتكران/let kiran: کتپ:[ لەت+ کران( کردن)] پارچەکران.

لەتكراو/let kiraw: نفا:[ لەت+ کراو( کردن)] پارچەکراو. لەتێکی زەوی.

لەتكردن/let kirdin: کتپ:[ لەت+ کردن] پارچەكردن، پروسکان، بڕین، قەدکردن، شەق کردن، پەلکردن، بەش کردن.

:: خەیارەکەی لەت کرد.

::

لەتكردنەوە/let kirdinewe: کتپ: پارچەکردنەوە.

.

لەتلەت/letlet: نتـ:[ لەت+ لەت] پلپل، ئەنجناو.   

لەت لەتــــی جگەرم (دەلێن)ی چاوی پڕ کردوومـــــەوە  ||  خـــوێن بە خوڕ نایێ مەگەر جۆماڵی ئەو جۆبارە کــەن}{ کوردی}

.

{

خاکم لەت لەت
‌زمانم لەت
‌تۆ دڵیشت لەت لەت کردم
‌ئەوانەی داگیرکەر ئەیکەن، تۆش پێت کردم

}{ ڕەنج}

 

لەتلەتە/letlete: نتـ:[ لەت+ لەت+ ـە]  پارچە پارچە.

لەتلەت بوون/let let bûn: کتن:[ لەت+ لەت+ بوون] پەرچکان، ووردبوون.

لەتلەت كراو/let let kiraw: نفا:[ لەت+ لەت+ کراو( کردن)]

پارچەپارچەکراو.

هەڵبژێردراو، جێ لێ کراوە، دەست چن.

لەتلەت كردن/let let kirdin: کتپ:[ لەت+ لەت+ کردن] دابڕاندن، پەرچقاندن.

{ من لە زنجیر و تەناف و دار و بەند باکم نیە || لەت لەتم کەن بمکوژن، هێشتا دەڵێم کوردم ئەمن }{ هێمن}.

:: قەسابەكانی ھەرێم لەشی كوردستان لەت لەت دەكەن. { زمکان}

لەتوپەت/let û pet: نتـ:[ لەت+و+ پەت] لەتلەت.

:: مشكێك هەناوی پیاوێك لەت و پەت دەكات.{ هەمیشە}

{ ئەو بکرێ بەخەنجەران لەتوپەت || بۆ تۆڵەی مەم دەبێتە دەرەفەت }{ هەژار : خانی، ل، 83}.

لەتوکوت/let û kut: نتـ:[ لەت+ و+ کوت] هەپڕوون بەهەپڕوون.

لەتلێبوونەوە/letlêbûnewe: نتـ:[ لەت+ لێ+ بوون+ ەوە] پەڕان.

.

.

.