زگێشە⁄ zigêşe: نتـ:[ نخ][ زگ+ ئێش+ ئە] زگ ئێشە، سک ئێشە، ﺋﺎﺯﺍﺭﯼ ﺳﮏ : جۆرە ئازارێکە نە نێو زگی مرۆڤدا دێت بە هۆی هەوکردن یان برینداربوونی خانە، شانە و ئۆرگانەکانی لەشەوە یاخود هەست کردن بە ئازار بە هۆی باری دەروونییەوە.  

زگێشەی ﮐﯚﺋﻪﻧﺪﺍﻣﯽ ﺯﺍﻭﺯێی مێینە⁄ zigêşey ko endamî zaûzêy mêyne: نتـ:[ نخ] ئازارێکە تایبەتە بە ژنانەوە.

1 – ئازاری کوتوپڕ یان توند : ﻧﻪﺧﯚﺷﻪﮐﻪ ﻫﻪﺳﺖ ﺑﻪﺋﺎﺯﺍﺭ ﺩﻩﮐﺎﺕ ﻟﻪ ﺑﻪﺷﯽ ﺧﻮﺍﺭﻩﻭﻩﯼ زگیدا. ڕەنگە هۆکارەکەی پێچ ﺧﻮﺍﺭﺩﻧﯽ ﮐﯿﺲ ﻭ ﮔﺮێی هێلکەﺩﺍﻧﻪﮐﺎﻥ، ﯾﺎﻥ ﻧﻪﺧﯚﺷﯽ ﺗﻪﻗﯿﻨﯽ ﺳﮑﭙڕﺑﻮﻭﻧﯽ ﺩﻩﺭﻩﻭﻩﯼ منداڵدان( ﺭﻩﺣﻢ) بێت.

2 – ئازاری هێواش و لەسەرخۆ : ئێشەﮐﻪ هێواش ﻭ ﻟﻪﺳﻪﺭ ﺧﯚ ﻭ ﺑﻪﺭﺩﻩﻭﺍﻡ بێت، پێدەچێت هۆکارەکەی ﻫﻪﻭﮐﺮﺩﻧﯽ ﮐﯚﺋﻪﻧﺪﺍﻣﯽ ﻧﺎﻭﻩﻭﻩﯼ ﺯﺍﻭزێ بێت، ﻧﻪﺧﯚﺷﻪﮐﻪ ﺩﻭﻭﭼﺎﺭﯼ ﺩﻩﺭﮐﺮﺩﻧﯽ ﺧﻮێن ﯾﺎﻥ کێم ﻭ چڵکی پێشەوە ﺩﻩبێت.

لەم دۆخانەدا پزیشک دەرمان و ڕێنمای بۆ نەخۆشەکە دەنووسێت.

زگێشەی ﮐﯚﺋﻪﻧﺪﺍﻣﯽ ﻣﯿﺰ ﻭ ﻣﯿﺰﻩڕﯙ ⁄ zigêşey ko endamî mîz û mizero: نتـ:[ نخ] نیشانەی ئەم ﺋﺎﺯﺍﺭە ﺑﻪشێوﻩﯾﻪكی ﺳﻪﺭﻩكی ﻟﻪ كەﻟﻪكەكاﻥ ﻭ ﻻﯼ ﺩﻩﺭﻩﻭﻩﯼ ﺩﯾﻮﺍﺭﯼ سک ﻭ ﺑﻪﺭﻣﯿﺰڵدﺍﻧﺪﺍ ﻫﻪﺳﺘﯽ پێدﻩكرێت. 

ﺋﺎﺯﺍﺭﯼ ﺋﻪﻡ ﺋﯚﺭﮔﺎﻧﻪ ﺑﯚﯼ ﻫﻪﯾﻪ ﺗﻮﻧﺪ ﻭ ﮐﺘﻮﭘڕﻭ ﻧﺎﻭﺑﻪﻧﺎﻭ بێت ﻭﻩﮎ ﺋﺎﺯﺍﺭﯼ ﺑﻪﺭﺩﯼ ﮔﻮﺭﭼﯿﻠﻪ، ﯾﺎﻥ ﺑﯚﯼ ﻫﻪﯾﻪ ﺑﻪﺭﺩﻩﻭﺍﻡ ﻭ هێوﺍﺵ بێت ﻭﻩﮎ ﺋﺎﺯﺍﺭﯼ ﻫﻪﻭﮐﺮﺩﻧﯽ ﮔﻮﺭﭼﯿﻠﻪ ﻭ ﻣﯿﺰڵدﺍﻥ. ﺋﻪﮔﻪﺭﯼ ﺯﯙﺭ ﻫﻪﯾﻪ ﻟﻪﮔﻪڵ ﺋﺎﺯﺍﺭﯼ ﺋﯚﺭﮔﺎﻧﯽ ﻣﯿﺰﻩڕﯙ، ﻧﻪﺧﯚﺷﻪﮐﻪ ﺩﻭوﭼﺎﺭﯼ ﻣﯿﺰﻩﭼﺮكێ، ﺳﻮﺗﺎﻧﻪﻭﻩﯼ ﻣﯿﺰ، ﺭﺍﻧﻪﮔﺮﺗﻨﯽ ﻣﯿﺰ، ﻣﯿﺰﮔﯿﺮﺍﻥ ﻭ ﻣﯿﺰﯼ ﺧﻮێناﻭﯼ ببێت. ﻫﻪﻧﺪێ ﺟﺎﺭﯾﺶ ﻧﻪﺧﯚﺷﻪﮐﻪ ﺩﻭﻭﭼﺎﺭﯼ ﺗﺎ ﻭ ﺭﺷﺎﻧﻪﻭﻩ ﺩﻩبێت.

ﺑﯚ ﭼﺎﻩﺳﻪﺭﮐﺮﺩﻧﯽ ﺋﺎﺯﺍﺭ ﻭ ﺑﯚ ﺩﯙﺯﯾﻨﻪﻭﻩﯼ ﺋﻪﻭ ﻧﻪﺧﯚﺷﯿﯿﻪﯼ ﺋﻪﻡ ﺟﯚﺭﻩ زکێشەﯾﻪﯼ ﺩﺭﻭﺳﺘﮑﺮﺩﻭﻭﻩ، دەبێت ﻧﻪﺧﯚﺵ ﺳﻪﺭﺩﺍﻧﯽ ﭘﺰﯾﺸﮑﯽ ﭘﺴﭙﯚﺭﯼ ﮐﯚﺋﻪﻧﺪﺍﻣﯽ ﻣﯿﺰ ﻭ ﻣﯿﺰﻩڕﯙ ﺑﮑﺎﺕ.

زگ ئێشەی ﮐﯚﺋﻪﻧﺪﺍﻣﯽ ﻫﻪﺭﺱ⁄ zigêşey koendamî hers: نتـ:[ نخ] ﺋﻪﻡ ﺟﯚﺭﻩ برکە ﺑﻪ شێوەﯾﻪﮐﯽ ﮔﺸﺘﯽ ﻟﻪ ڕﻭﻭﯼ پێشەﻭﻩﯼ ﺳﮑﯽ ﻣﺮﯙﭬﻪﮐﻪﻭﻩ ﺩﻩﺭﺩﻩﮐﻪﻭێت، ﻟﻪﻭﺍﻧﻪﯾﻪ ﺑﻪ شێوﻩﯾﻪﮐﯽ ﮐﺘﻮﻭﭘﺮﯼ ﺩﺭﻭﺳﺘﺒبێت ﻭ ﺯﯙﺭ ﺗﻮﻧﺪ بێت، ﻧﻪﺧﯚﺷﻪ ﮐﻪ ﻧﺎﭼﺎﺭ ﺑﮑﺎﺕ ﺑﻪ ﺯﻭﻭﺗﺮﯾﻦ ﮐﺎﺕ ﺳﻪﺭﺩﺍﻧﯽ ﭘﺰﯾﺸﮏ ﺑﮑﺎﺕ، ﻟﻪﻭﺍﻧﻪﺷﻪ ﺑﻪشێوەﯾﻪﮐﯽ ﻟﻪﺳﻪﺭﺧﯚ ﺳﻪﺭﻫﻪڵبدات ﻭ هێوﺍﺵ بێت ﻭ ﻧﻪﺧﯚﺷﻪﮐﻪ ﺑﯚ ﻣﺎﻭﻩﯼ ﭼﻪﻧﺪ ﺭﯙﮊێک ﻫﻪﺳﺖ ﺑﻪﺋﺎﺯﺍﺭ ﺑﮑﺎﺕ، ﺑﻪڵاﻡ ﺋﻪﮔﻪﺭ ﻧﻪﺧﯚﺵ ﻟﻪﻡ ﮐﺎﺗﻪﺩﺍ ﺳﻪﺭﺩﺍﻧﯽ ﭘﺰﯾﺸﮏ ﻧﻪﮐﺎﺕ. ﻟﻪﻭﺍﻧﻪﯾﻪ ﺋﺎﺯﺍﺭﻩﮐﻪ ﺑﻪﺭﺩﻩﻭﺍﻡ بێت، ﻟﻪﻭﺍﻧﻪﯾﻪ ﺋﺎﺯﺍﺭﻩﮐﻪ ﻧﺎﻭ ﺑﻪﻧﺎﻭ بێت. ﺑﻪشێوﻩﯾﻪﮐﯽ ﮔﺸﺘﯽ ﻟﻪﮔﻪڵ ﺋﺎﺯﺍﺭﯼ ﮐﯚﺋﻪﻧﺪﺍﻣﯽ ﻫﻪﺭﺱ ﮐﯚﻣﻪڵێک ﻧﯿﺸﺎﻧﻪﯼ ﺗﺮﯼ ﻧﻪﺧﯚﺷﯽ ﺩﻩﺑﯿﻨﺮێت، ﻭﻩﮎ ﺩڵتێكچوون ﻭ ﺣﻪﺯﻧﻪﮐﺮﺩﻥ ﺑﻪﺧﻮﺍﺭﺩﻥ، ڕﺷﺎﻧﻪﻭﻩ، ﻗﻪﺑﺰﯼ ﻭ ﺳﮏ ﻫﻪڵاوﺳﺎﻥ.  ﻧﻤﻮﻭﻧﻪﯼ ﺋﻪﻭ ﻧﻪﺧﯚﺷﯿﺎﻧﻪﯼ ﮐﻪ ﺋﺎﺯﺍﺭﯼ ﮐﯚﺋﻪﻧﺪﺍﻣﯽ ﻫﻪﺭﺱ ﺩﺭﻭﺳﺘﺪﻩﮐﻪﻥ ﻭﻩك ::  

: ﺑﺮﯾﻨﯽ ﮔﻪﺩﻩ 

: ﺑﺮﯾﻨﯽ ﺩﻭﺍﻧﺰﻩﮔﺮێ

: ﺑﻪﺭﺩﯼ ﺯﺭﺍﻭ

: ﻫﻪﻭﮐﺮﺩﻧﯽ ﭘﻪﻧﮑﺮﯾﺎﺳﯽ

: ﺭﯾﺨﯚڵە ﮔﯿﺮﺍﻥ 

:  ﻫﻪﻭﮐﺮﺩﻧﯽ ﺭﯾﺨﯚڵەﮐﻮێرﻩ.

ﺑﯚ ﭼﺎﺭﻩﺳﻪﺭﮐﺮﺩﻧﯽ ﺋﻪﻡ ﺟﯚﺭﻩ ﺳﮏ ئێشە ﯾﻪ ﻭ ﺩﯙﺯﯾﻨﻪﻭﻩﯼ ﺋﻪﻭ ﻧﻪﺧﯚﺷﯿﻪﯼ ﻟﻪﭘﺸﺘﯽ ﺋﻪﻭ ﺳﮏ ئێشەﻭﻩﯾﻪ، دەبێت ﻧﻪﺧﯚﺵ ﺳﻪﺭﺩﺍﻧﯽ ﭘﺰﯾﺸﮑﯽ ﻧﻪﺷﺘﻪﺭﮔﻪﺭﯼ ﮔﺸﺘﯽ ﻭ ﭘﺰﯾﺸﮑﯽ ﭘﺴﭙﯚﺭﯼ ﮐﯚﺋﻪﻧﺪﺍﻣﯽ ﻫﻪﺭﺱ ﺑﮑﺎﺕ.

.

.

.

.