بادە bade

بادە/bade: ن:[ کەرەستە][ پەهلەوی : Bātak]

	نەشوناس		شوناس
	تاک	كۆ	تاک	كۆ
شێوەزاری كرمانجی باكوور	ەک	ان	ەکە	ەکان
شێوەزاری كرمانجی ناوەند	ێ ، ێک	ان	ەکە	ەکان
شێوەزاری هەورامی	ێوە	ێ ، ن	ێ	ەکێ

1 – لێوان، پەرداخ.

2 – لە ڕوانگەی تەسەوفەوە یان فەلسەفەی عیرفانەوە واتا : مەستی خوادای دێت.

{

بە جامێ بادەوە تێر نابم ئەگەر مەیلت هەیە ساقی

گلێنەی خۆم دەنێرمە خزمەتت بۆم تێكە تابیبا

}{هێمن}.  

بادەپەرست/badeperist: نتـ:[ بادە+ پەرست( پەرستن)] مەینۆش، كەسێک كە خواردنەوەی پێ خۆش بێت.

بادەپەرستی/badeperistî: نچ:[ بادە+ پەرست( پەرستن)+ی] ئەوەی پەیوەندی بەبادەپەستنەوە هەبێت.

بادەپەیما/badepeyma: نتـ:[ بادە+ پەیما] میخۆر، بادەخۆر.  

بادەخۆر/badexor: نفا:[ بادە+ خۆر( خواردنەوە)] مەیخۆر، بادەنۆش، ئارەقخۆر : كەسێک كە بادە دەخواتەوە.

بادەخۆری/badexorî: نچ:[ بادە+ خۆر( خواردنەوە)+ ی] ئەوەی پەیوەندی بەبادە خوارنەوە هەبێت.

بادەخۆش /badexoş: نتـ:[ بادە+ خۆش] ئەو كەسەی كە دەخواتەوە.  

بادەفرۆش/badefiroş: نفا:[ بادە+ فرۆش( فرۆشتن)] مەیفرۆش، ساقی، بڕامەن.

بادەک/badek: نتـ:[ بادە+ ک] بادە، پەرداخ، لێوانی بچووک.

بادەگێڕ/badexor: نفا: [ بادە+ گێڕ( گێڕان)] كەسێک كە بادە دەداتە دەست بادەخۆران، مەیگێر، بڕامەن، ساقی.

بادەگێڕان/badegêřan: كتپ:[ بادە+ گێڕان] مەیگێڕان.

بادەگێڕیی/badegêřyî: نچ:[ بادە+ گێڕ( گێڕان)+ یی] ئەوەی پەیوەندیبە مەیگێڕییەوە هەبێت.

بادەنۆش/bade noş: نتـ:[ بادە+ نۆش( نۆشین)] مەیپەرست.  

بادەنۆشین/badenoşîn: كتن: مەیخواردنەوە.

بادەی ئەلەست/badey elest: نتـ:[ بادە+ ی+ ئەلەست] بادەی خودایی

{

چاوبازەی چاومەستە، لەوبادەی ئەلەستە

دەستم بگرە هەستە، تۆ و دین و ئایینت

}{ وەفایی}.

دووکانی بادەفرۆش/dûkanî badefiroş: نتـ:[ دووکان+ ی+ بادەفرۆش] شەرابخانە، شيرەخانە، مەيبانگ، مەيبەنگ، مەيخانە، مەيستان، مەيگەرێن.

.

.

.

.