تەشك ¹/teŝk: ن:[ توێ][ پهـ : تەشكەنەك، تەشكووك][ كباك] ئاتەگ، بەریان، شاقەل، قەوارە، قڵخ، لاق، لینگ و لەتەر : لە پشتێنە بەرەوخوار.

تەشكەڵ/teŝkeû: ن:[ كۆ][ تەشك+ ئەڵ] داوێن.

تەشك و داوێن/teŝk û dawěn: نتـ:[ تەشك+ و+ داوێن]

1 – داوێن، سەروخواری داوێن.

:: ئاوچۆڕچۆڕ لە تەشك و داوێنیان دەتكێ.{ هاوربەرە، ل، 59}.

2 – كراس.

{

كابانە توڵەی گەورەماڵان

تەشك و داوێنی لەئەرزی ناخشێت

بەڵام هەر رمیەی لەعەرزی دێنێت

}{فۆڵكلۆر}.

.

.

___________________________

تەشك ²/teŝk: ن: تەشق:

1 – توندوتیژی، سەرماو گەرما.

2 – پەڕپەڕۆچكە، تاق.

تەشكی ئاسمان/teŝkĭ asman: نتـ:[ تەشك+ ئی+ ئاسمان] بنەبانی ئاسمان، پەڕپەڕۆچكەی ئاسمان، تەشقی ئاسمان، تاقی ئاسمان.

{

ئەوجار هەستەوە بڕۆ بەرەو ژوور

مەوێستە هەتا تەشكی ئاسمان

}{ هێمن}.

.

.

_________________________

تەشك ³/teŝk: ن:[ هـ] تەرككەوتنی ووڵاخ. لاق، تەنیشت.

.

.

_____________________________

تەشك 4/teŝk: ن:[ ئەردە]

1 – تەشك و دیمەن، قەڵافەت، قەوارە، ریخت : بەژن و باڵا.

2 – تەرح، بیچم، بەچەك، شێوە.

3 – درێژۆکە، لاکێشە.[ ئینگـ : Elognated shape]

.

تەشك زراڤ/teŝk zirav: ئانتـ:[ كباك] لاواز، بێتین.

تەشك زراڤی/teŝk ziravĭ: نتـ:[ كباك] لاوازی، بێتینی.

تەشككەوتن/teŝk kewtin: كتن: بێ تینكەوتن، لاكەوتن.

.

.

.

.