تۆپان/topan: كتن:[ ئەردە] تۆپین.
تۆپاندن/topandin: كتپ:
1 – سەقەتكردن و مراندنی ئەو گیاندارانەی گۆشتیان ناخورێت.
2 – [ ئد] كوشتنی دوژمن( لە شێوەی جنێودا بۆ مرۆڤ بەكاردەهێندرێت).
3 – [ ئد] لێدان و خستنی كەسێك.
4 – [ ئد] خەواندن، نواندن.
:: دا ئافرەت هەستە ئەو منداڵانە بتۆپێنە شەو درەنگە !.
تۆپانن/topanin: كتپ: تۆپاندن، كوژتنی سەگ، گورگ، بەراز، كەر و ئیتر.
تۆپای/topay: چ:[ هـ ] تۆپین، تۆپێسێ( ل).
تۆپین/topîn: كتپ: تۆپای( هـ)، تۆپێسێ.
1 – مردنی ئەو گیاندارانەی گۆشتیان ناخورێ، تۆپان.
2 – [ ئد] نوستن، خەوتن.
:: کچێ ئەوە بۆ ناتۆپی شەو درەنگە.
3 – [ مجـ ] مردنی کەسی ناخۆشەویست.
{ تێبینی : تۆپین بۆ مردنی ئەو گیاندارانە بەکاردێ کە گۆشتیان ناخورێ وەک سەگ، پشیلە، کەر، بەڵام ئەو گیاندارانەی کەگۆشتیان دەخورێت وەک مریشک، مەڕ، مانگا و مندار یا مردار دەبنەوە و مرۆڤ دەمرێت}{ نانەوازادە}.
تۆپیگ/topîg: نفا:[ ئەردە][تۆپین] تۆپیو.
تۆپیو/topîw: نفا:[ تۆپین] گیانداری مردوو، مردار، تۆپیگ.
.
.
.
.