داخستن/daxistin: کتن:[ دا+ خستن] دانین:danîn( کباک).
1 – بەستن _ دەرگابەستن، پێوەدان، قفلدان، قفل لێدان، قفلکردن.
:: نرخی دراوەکان لە کاتی کردنەوە و داخستنی بۆرسە دا.
:: داخستنی هێڵی تەلەفۆن.
2 – بەربەست کردن، بەرهەڵست دانان، کەلەبەرگرتن، بەردەم گرتن، بەرگرتن( ڕێگە و بان)، هاتوچۆقەدەغەکردن.{ شوان، ل، 565}
3 – نزیک نزم کردنەوە، نەویی کردنی دەنگ وەک ڕادیۆ.
4 – پان وەکردن _ پانەوەکردن _ پانکردنەوە، پخچ کردن، ڕاخستن( ڕایەخ) : بڵاوکردنەوەی فەرش.
:: ئەو مافوورە داخە.
5 – داکێشان، پانکردنەوە.( جێگەی نووستن).
6 – کەوتنەمەرایی و ماستاو ساردکردنەوە.
7 – تووڕدانەخوار، فڕێدانەخوار، هەڵدانەخوار.
8 – بەئەرزادان، بەردانەوە، بەزەویدادان، خستنەسەرزەویی.
9 – چالکردن، گل لێدەرهێنان : ھەڵکەندن و چاڵکردنی شوێنێک لە زەوی.{ خاڵ، ل، }
:: ئەو بیرە دابخە.
10 – دانان( بژێو بۆ دواڕۆژ)، کۆکردن، کۆکردنەوە، کۆوەکردن.
:: بازارداخستن.
داخستوو/daxistû: کتن: کڵبوو، گیرکردوو، وه‌ستاو.
ئازووقەداخستن/azûqedaxistin: کتن:[ ئازووقە( ئازووخە)+ داخستن] کڕین یا پەیداکردنی خواردەمەنی، ئەوەندەی بەشی ماوەیێک بکات وعەمبارکردنی.
ئاوداخستن/awdaxistin: کتپ:[ ئاو+ داخستن] ئاوداشکانن، ئاوگرتن، ئاوهەڵکردن : ئاوبەردان بۆ سەرزەوی.
بەقوونداخستن/beqûndaxistin: کتپ:[ بە+ قوون+ داخستن] بەقنگا( دا)خستن، وەدواخستن. وەدرەنگی خستن. کەم تەرخەمی‌کردن لە جێ بە جێ کردنی کاران.{ زەبیحی}
بەلایەکداخستن/belayekdaxistin: کتپ:[ بەلایەک+ داخستن] بەبارێکاخستن.{ خاڵ، ل، }
تەنوورداخستن/tenûrdaxistin: کتپ:[ تەنوور+ داخستن]
1 – بریتییە لە کۆبوونەوەی چەند کەسێک و باسی یەکێک کردنیان بە خراپە.{ خاڵ، ل، }
2 – ھەڵگیرساندنی ئاگر لە تەنووردا بۆ نان پێکردن.{ هەژار، ل، }
خڕداخستن/xiřdaxistin: کتپ:[ خڕ+ داخستن] توند قایمکردن، مەحکەم بەستنن.{ خاڵ، ل، }{ هەژار، ل، }
داوداخستن/dawdaxistin: کتپ:[ داو+ داخستن] داونیانەوە: داوچەقاندن بۆ ڕاو.{ مەردۆخ، ل، }
.
.
.
.