چکچکەیێ بێسۆر/čikčikiye bêsor: نتـ:[ باڵ][ چکچک+ ئەیێ+ بێسۆر] زیقاوڵەی پێسوور : باڵای 28 سانتیمەتر دەبێت. ژ ملێ پشتێڤە خوەلیکییەکی ڤەکرییە. بنپست سپییە. کوری ڕەس و سپییەکی ڕاڤڕاڤ و کیخدارە. بەرزک و دوورڤە پێشجاڤ سپیڤەیە و سەر و پاتک و پشتپاتک و هەردوو تەنشتێن ستۆیی وەکی پشتێ خوەلیکینە. سپیلکا چاڤان قەهواییە. نکل سۆڕە و سەرێ وی ڕەشە. پێ لوقلۆقە و سۆرن. ل هەوا تەنشتا چەنگان یا پشتی سپی دیار دکت. باڵندەیەکی زیدە هشیار و زیقە و دادایی سەری خوە کوردییا خوە خوەش دهەژینیت نەمازە دەمێ هەست ب ترسێ دکت. ل وەڵاتی مە زڤستانان کتکتە و ب قەتلازی ژ نیڤا تیرمەهێ و پێدە هەتا گولانێ ل سەر لێڤا ئاڤ و دەراڤ و گەڕ و گۆل رەخ و ڕویێن جۆکان ل ئەردێن ڤەدەر دئێتە دیتن. د ئاڤ گل و گیاییدە هێلینێ جێ دکت. ل پڕانییا وەلاتێن ئەوروپی ژ بلی بەریتانیا و ل نیڤەکا ئاسیا ک دەشتێن قەرگیزسان و ژۆرییا مەنگۆلیا هەتا تورکی و ڕۆژئاڤایا ئیرانی و کشمیر تێژکان دئینتە دەر. زڤستانا خوە ل پەڕاڤێن ڕۆژئاڤایا ئەوروپا و ئەفەریقا و ل حەدا دەریایا سپی و ژۆرییا ڕۆژهلاتا ئەفریقیا و پەڕاڤێن دەرایا سۆر و مسری و سینایێ و عیراقێ و پەراڤێن عەرەبی دەرباز دکت.[ لا : Tringa totanus]
.
.
.
.
.