ڕف ¹ /řif: ڕەگ:[ ڕەگی چاوگی ( ڕفان، ڕفێن، ڕفین)ـە لە زمانی کوردییدا] فڕ.  

ڕفان/řifan: کتن: فڕان

{

کاتێ که تۆیان ڕفان
شه ڕه فی ده سه ڵات و
مافیای ووڵات
هه روه ك و سه گ
له ئاوه ڕۆیی به رده م ماڵان
ئه خولانه وه و ئه یان لووران

}{ بەڵێن ڕەواندوزی}

یان 

{

ڕەحمەتی حەق ھاتە جونبش دووکەڵی کفری ڕفان
کەس لە مەکری زاتی حەق یەک زەڕەیێ بێدار نییە

ڕفاندن/řifandin: کتپ: ئه‌رفای( هـ)، ترافانن چرپانن، ڕاڕفاندن، ڕاونان، ڕەپێنان، ڕەڤاندن( کباک)، ڕەواندن، فڕاندن، قەپاندن، هەڵانن  : پەلاماردانی چشتێک و بردنی بەدەست و برد.{ گیو، ل، 497}. 

ڕفانن/řifanin: کتپ: ڕفاندن. 

ڕفیاگ/řifiyag:  ئانفا:[ کباش، کهـ] فڕێندراو.

ڕفێن/řifên: نفا: ڕفێنەر، قەپێن : ئەو کەسەیە چشت بڕفێنێت، ڕاونەر، ڕەپێنەر، ڕاڕفێنەر. 

ڕفێنەر/řifêner: نفا: ڕفێن.

ڕفێندرا/řifêndira: نفا: فڕێندران. 

ڕفێندران/řifêndiran: نفا: فڕێندران. 

ڕفێندراو/řifêndiraw: ئانفا:

1 – ڕفێنراو، ڕاونراو. 

2 – تیژهەڵگیراو. 

ڕفین/řifîn: کتن: بڕفێن، ڕووخان، وورین( هـ) : ڕمانی بەرد و چیا و سەربان دیوار و ئیتر. 

ڕفین ڕفین/řifîn řifîn: کتن: بڕفێن بڕفێن.

بڕفێن/biřfên: کتن:[ ؟ ] ڕفین.

:: ڕفاندن بێ پرسی خاوەن.

.

.

___________________

ڕف ² /řif: ن:[ کشت]

1 . دێراوێکی درێژە لە قەراخ زێیەدا بۆ ترێزوو.

2 – [ کە] زۆبڕین و کۆڵین بە بێڵ. 

ڕفتن/řiftin: کتپ: دڕین : ڕێگاکردنەوەی ئاوێ یە. 

ڕفکە/řifike: نتـ:[ خۆ][ ڕف+ کە] حەوزی ئاوێیە.  

ڕف لێدان/řif lêdan: کتپ: بێڵ باش لە زەوی دا گرتنەخووارەوە. 

:: ڕف لێدە : بێڵەکەت باش بە زەویدا ڕۆبە خووارێ.  

ڕفت و ڕێژ/řift û řêj: نتـ:[ ئەردە] ڕیان و میزتن.  

.

.

.

.