سنگ ¹ /sing: ن:[ کەرەستە]

1 – مێخ : دارێک یان ئاسنێکی سەرتیژە، بە دیوارا یان بە زەویدا دادەکوترێت بۆ نیشان کردن لە ڕووپێوانی زەویدا.[ ئینگـ: stake , jason]{ خال، ب 2، ل، 259}  

2 – سووژن. 

سنگی تەناف/singî tenaf: ن:[ کەرەستە][ سنگ+ ی+ تەناف]

سنگی ڕەشماڵ/singî řeşmaľ: ن:[ کەرەستە][ سنگ+ ی+ ڕەشماڵ] پاچلە( ل) : ستوندەی ڕەشماڵ، دارۆچکەی ژێر دەوار

.

.

_____________________

سنگ ² /sing: ن:[ د][ توێ] سینە، سینگ : پانایی نێوان هەردوو مەمک و خوار چۆڵەمەی مل. [ ئینگـ: Breast]

سنگەسنگ/singesing: ئان:[ مجـ][ د][ سنگ+ ئە+ سنگ] نیخەنیخ و خۆ خڵافاندن بە تشتێکەوە.{ خال، ب 2، ل، 260}

سنگەوباز/singe û baz: نتـ:[ واز] سنگەو بازد : هەڵچوون بەسەر یەکێکدا، کە لە یاری کەوشەکدا تێکەوتبێت.  

سنگ بیستۆک/sing bîstok: نتـ: گوێگرە، گوێگرەی سنگ.  [ لا: stethoscope]

سنگدان/singdan: کتپ: سینگدان. 

سنگدانەپێشەوە/singdane pêşewe: کتپ: سینگدانە پێشەوە : دڕدان بە مەرووم و چونە پێشەوە بۆ تشتێک. 

سنگ دەرپه‌ڕاندن/sing derpeřandin: کتپ:[ سنگ+ دەرپەڕاندن]بازوو نیشاندان.

سنگ زەردە/sing zerde: نتـ:[ باڵ] مەلێکی بچکۆلانەیە، ژێر سکی زەردە، سەر پشتی ڕەنگاو ڕەنگە. بە ئەندازەی چۆلەکەیەک دەبێت، زۆرتر لە کوردستان لەکاتی جۆ درەوکردندا دەبێندرێت.  

سنگ کوتان/sing kutan: کتپ: بەسینگ داماڵین لە داخی تشتێک. 

سنگ لێکوتان/sing lêkutan: کتپ: بەسینگ داماڵین لە گەڵ نزاکردن لە یەکێک. 

سنگ هەڵکێش/sing heľkêş: نفا:[ سنگ+ هەڵکێش( هەڵکێشان)] بریتیە لە مەردوومی بێ شەرم و نالەبار. 

سنگی/singî: نچ: سینەیی.[ لا: steth , stetho]

جوولەی سنگپێو/cûley singpêw: نتـ:[ لا: stethogragh]

قەفەزەی سنگ/qefezey sing: نتـ:[ توێ] قەفەسەی سینگ : لە کۆڵەکەی سنگ و پەراسووەکان پێک دێت.[ ئینگـ: Chest, Thorax]

کرژی ماسوولکەکانی سنگ/kirjî masûlkekanî sing: نتـ:[ لا: stethospasm]

کۆڵەکەی سنگ/koľekey sing: نتـ:[ توێ][ لا: sternum]

ناوچەی سنگ/nawçey sing: نتـ:[ توێ] لە دوانزە بڕبڕە پێکهاتووە، کە پەراسووەکانیان پێوەبەندن. 

هەوکردنی سنگ/hewkirdinî sing: نتـ:[ لا: stethomyositis]

هەوکردنی ماسوولکەکانی سنگ/hewkirdinî masûlkekanî sing: نتـ:[ لا: stethomyitis]{ پەزیشکی، ل، 342}. 

.

.

____________________

سنگ ³ /sing: ن:[ زیند][ نخ] کرمی ناوسک.

سنگان/singan: ن:

1 – [ نخ] جۆرە نەخۆشییەکی کوشندەیە، تووشی گیاندار دەبێت. 

2 – [ ڕوو][ نخ] جۆرە نەخۆشییەکە دەدات لە کالەک و شووتی و ترۆزی رەقیان دەکات. 

سنگاناوی/singanawî: ن:[ نخ] میوەی سنگان لێدراو. 

سنگ خێزان/sing xêzan: نتـ:[ نخ] پزو.[ ئینگـ: Pnemonia]

سنگک/singik: ن:[ نخ][ کباک. زا] زیپکە.{ خال، ب 2، ل، 259}  

.

.

.

.