هەوجاڕ hewcař

هەوجاڕ/hewcař: ن:[ کشت][ کۆن] ئاموور، ئەسبابی جووت : ئامێرێکى سەرەتایییە بۆ کێڵانى زەوى بەکارهاتووە، تەواو کوردانەو دەستکردى کوردە، لە پێش پەیدابوونى تەراکتۆردا بە هەوجاڕ زەوى کێڵاراوەو بە گا ڕاکێشراوە.{ هەژار، ل، 1009}.

هەوجاڕ لەم بەشانە پێکهاتووە
گاسن، دەمەگاسن	تەنها ئەم بەشەى هەوجاڕى لە ئاسنە و ئیتر بەشەکانى تری لە دارە.
دەسەدو	دارێکى دوو پەلە چەقێنراوە بەسەر پشتى هەوجاڕەکەدا، جووتیار لەکاتى کێڵاندا دەستى پێوە دەگرێت و بۆ جوڵاندنى هەوجاڕەکە بەکارى دەهێنێت.
مژان	دارێکى دوو مەتریە، دەکرێت بە نیلەکەوە گاسنەکەى پێ ڕادەکێشرێت.
کەڵەمە	دارێکى تاشراوە لە شێوەى پیم دایە، لە چەند شوێنێکى هەوجاڕەدا کەڵەمە هەیە کورد ئەڵێ: کەڵەمەى بجەڕێنە، واتە: ئیشەکە باش ئەنجام بدە.
نیل	دارێکى دوو مەترییە دەخرێتە سەرى هەردوو گاجووتەکە.
بانملە	دوو لوولە موشەماى پڕ لە پوشە داخرێتە سەر ملى گاجووتەکان، بۆ ئەوەى لەکاتى ڕاکێشانى هەوجاڕەکەدا بەهێزبن و ملیان ئازارى نەبێت.
نەقیزە	داردەستێکە بزمارێک دەکەن بەسەرێکیەوە جوتیار بەکار دەهێنێت بۆ لێخوڕینى گاجووتەکان.

.

.

.

.