لەت/let: ئان: پارە _ پارچە، پاژە، پەرچق، پرت، پرزۆل، تیلمە، زوولاک، ساد، شەق، کەر_ كەرت، کەرک، کوت، کووز، لاتک، لەهـ، نیڤ _ نییڤ، نیو _ نییوە، ووردە.
لەتە/lete: نتـ:[ لەت+ ئە]
| گوڵبژێرێک لە ئاوێتەکانی لەت |
لەتەبەرد/leteberd: نتـ:[ لەتە+ بەرد] پاڵانتە.
لەتەبەیت/letebeyit: نتـ:[ لەتە+ بەیت] پارچەبەیت.
:: غەزەڵ شيعريک بوو لاي کەم لە 5 بەيت. کە لەتە بەيت هەوەڵ و لەتەبەيتاني جفتي ئەوە هاوپاشبەندبوون.{ غەزەل}.
لەتەپەڕۆ/letepeřo: نتـ:[ لەتە+ پەڕۆ] پارچەپەڕۆ.
:: ئاڵا تەنیا هی دەوڵەتە یان هی خەڵکیش؟ لەتەپەڕۆیەکی سادەیە یان سیمبولێکی واتادار؟.{ شێرکۆ جیهانی}.
لەتەسواڵەت/letesisaľet: نتـ:[ لەتە+ سواڵەت] پارچە سواڵەت.
:: لە زێویە 35 هەزار لەتەسواڵەت بوونی هەیە كە زۆر جێگای بایەخن و بۆ راگرتنی ئەو ئاسەوارانە بڕیاری دروستكردنی بانكی سواڵەت لەو شوێنە مێژووییە دراوە. دەگوترێت، مێژووی ئەو لەتە سواڵەتانە دەگەڕێنەوە بۆ سەردەمی دەسەڵاتداریەتی ماد، مانا، ئۆراتوویی، ئاشووری و هەخامەنیشییەكان.{ کوردپا}
لەتەگۆشت/letegoşt: نتـ:[ لەت+ ئە+ گۆشت] پارچەگۆشت.
لەتەگوریس/letegurîs: نتـ:[ لەت+ ئە+ گوریس] پەتک _ پەلەتک.
لەتەگون/letegun: نتـ:[ لەت+ ئە+ گون] تاکەگون.
{
لەنزیک ئاوایی
نیشتمان پێکراوە
مانا خانەگومان
خیانەت لەبنەبانی مێژوو
لەسەر لەتە گونێک
خەریکی تاوڵەی زمان و دۆمینەی مەردایەتییە.
}{ کەژال عەلی}
لەتەنان/letenan: نتـ:[ لەت+ ئە+ نان] پارچەنان.
:: لە سەر دزینی لەتەنانێک منیان برد بۆ زیندان، وه نزیكه‌ی پازده ساڵ له‌و زیندانه‌دا، هه‌مو ڕۆژێک نانێكی ته‌واویان ده‌دامێ به‌خۆرایی.
{ ژان ژاك رۆسۆ}.
لەتەهێڵ/letehêľ: نتـ:[ ئەند][ لەت+ ئە+ هێڵ] پارچەهێل : لە ئەندازە، پارچەھێڵ لەتێک لە ھێڵ (ئەندازە) کە لە لایەن دوو خاڵ (ئەندازە) جیاوازەوە سنووردار کرابێتەوە. { }
لەتبوو/letbû: نفا: پارچەبوو : دابڕاو.
لەتبوون/letbûn: کتن: پاربوون _ پارچەبوون، شەق بوون.
:: دوو لەتبوونی مرۆڤەكان.
:: هەرکەس پێیوابێت لە لەتبوون قازانجی کردووە، لەهەڵە دایە.{ عەبدوڵلا حەسەن زادە }.
لەتبوونەوە/letbûnewe: کتن: پارچەبوونەوە.
لەتکە/letke: نتـ:[ لەت+ کە]پارچە، کووز، نیم کوت، نیم هاژ، کلۆ، وردکە، کوتراو، هاراوی درشت.
:: لەتکەی تۆوی ڕووەک.
لەتکەخشت/letkexişt: نتـ:[ لەتکە+ خشت]
1 – [ ئەند] ئاجوور، زەنگۆڵ : پارچەخشتی ناڕێک.
2 – [ شار] خرچان.
لەتکەخۆخ/letkexox: نتـ:[ خوار][ لەتکە+ خۆخ] ئەو خۆخە وشککراوەیە بۆ خۆراکی زمستان هەڵدەگیرێت.
لەتکەسێو/letkesêw: نتـ:[ خوار] [ لەتکە+ سێو] ئەو سێوە وشککراوەیە بۆ خۆراکی زمستان هەڵدەگیرێت یان بۆ ناو کێک دروستکردن.
لەتكەنۆک/letkenok: نتـ:[ هـ][ خوار] ئاڵیینۆک، ئاریینۆک، لەپ _ لەپە، نخۆشە.
لەتکەهەرمێ/letkehermê: نتـ:[ خوار][ لەتکە+ هەرمێ] ئەو هەرمێ یە وشککراوەیە بۆ خۆراکی زمستان هەڵدەگیرێت.
:: هەرمی لەتکە دەکریت و ووشکی دەکرێت بۆ زمستان.
لەتکەهەنجیر/letkehencîr: نتـ:[ خوار][ لەتکە+ هەنجیر] ئەو هەنجیرە وشککراوەیە بۆ خۆراکی زمستان هەڵدەگیرێت.
لەتكەر/letker: ف:[ لەت+ کەر]
لەتكران/letkiran: کتپ:[ کارابزر][ لەت+ کران( کردن)] پارچەکران.
لەتكراو/letkiraw: نفا:[ لەت+ کراو( کردن)] پارچەکراو. لەتێکی زەوی.
لەتكردن/letkirdin: کتپ:[ لەت+ کردن] پارچەكردن، پروسکان، بڕین، قەدکردن، شەق کردن، پەلکردن، بەش کردن.
:: خەیارەکەی لەت کرد.
لەتكردنەوە/letkirdinewe: کتپ: پارچەکردنەوە.
لەتكردنی دار بە تیغ/letkirdinî dar be tîẍ: کتپ: تڵیشاندن، قەڵەشاندن، قڵیشاندن.{ خاڵ، ل، 332}
لەتلەت/letlet: نتـ:[ لەت+ لەت] پلپل، ئەنجناو.
{
لەت لەتــــی جگەرم (دەلێن)ی چاوی پڕ کردوومـــــەوە
خـــوێن بە خوڕ نایێ مەگەر جۆماڵی ئەو جۆبارە کــەن
}{ کوردی}
{
خاکم لەت لەت
زمانم لەت
تۆ دڵیشت لەت لەت کردم
ئەوانەی داگیرکەر ئەیکەن، تۆش پێت کردم
}{ ڕەنج}
لەتلەتە/letlete: نتـ:[ لەتلەت+ ـە] پارچە پارچە.
لەتلەتبوون/letletbûn: کتن:[ لەتلەت+ بوون] پەرچکان، ووردبوون.
لەتلەتكراو/letletkiraw: نفا:[ لەتلەت+ کراو( کردن)]
1 – پارچەپارچەکراو.
2 – هەڵبژێردراو، جێ لێ کراوە، دەست چن.
لەتلەتكردن/letletkirdin: کتپ:[ لەتلەت+ کردن] دابڕاندن، پەرچقاندن.
{
من لە زنجیر و تەناف و دار و بەند باکم نیە
لەت لەتم کەن بمکوژن، هێشتا دەڵێم کوردم ئەمن
}{ هێمن}.
:: قەسابەكانی ھەرێم لەشی كوردستان لەت لەت دەكەن. { زمکان}
لەتلێبوونەوە/letlêbûnewe: نتـ:[ لەت+ لێبوونەوە] پەڕان.
لەتوپەت/letûpet: نتـ:[ لەت+و+ پەت] لەتلەت.
:: مشكێک هەناوی پیاوێک لەت و پەت دەكات.{ هەمیشە}
{
ئەو بکرێ بەخەنجەران لەتوپەت
بۆ تۆڵەی مەم دەبێتە دەرەفەت
}{ هەژار : خانی، ل، 83}.
لەتوکوت/letûkut: نتـ:[ لەت+ و+ کوت] هەپڕوون بەهەپڕوون.
دروستکردنی لەتکەر/letker: نتـ:[ دروستکردن+ ی+ لەتکەر][ ئینگـ: construct bisector].
.
.
.
.