ئاگره ¹ /agire: نتـ:[ نخ][ ئاگر+ ه] ئاورە : نه‌خۆشییه‌کی تایبه‌ت به پێسته، به ده‌موچاو هه‌ڵده‌په‌ڕێت، پتر منداڵ هه‌رزه‌کار تووشی ده‌بێت ئه‌و شوێنانه‌ی که تووشی ده‌بن زیپکه‌ی وورد ده‌رده‌که‌ن و زنجاوێکی زه‌ردیان لێده‌ردێت .
.
.
__________________
ئاگره ² /agire: نتـ:[ نخ][ ئاگر+ ه]
نه‌خۆشی سپڵ، ئاگره‌که، ئاوره، هه‌وله، له‌رزه‌ک، ئاکله ئارنگ، زڵزڵه، ئاته‌شک : نه‌خۆشی یه‌کی درم و کوشنده‌یه تووشی ووڵاخ و ئاژه‌ڵ و مرۆ‌ڤ ده‌بێت، گیانداره‌که هه‌ناسه‌ی خێرا ده‌بێت و قاچی شل ده‌بێت وده‌که‌وێت وخوێنێکی ره‌ش له لووت وکۆمییه‌وه دێته‌ده‌ره‌و.
[ پێش بڵاوبوونه‌وه‌ی زانستی پزیشکی تازه، له ناوکورده‌واریی دا ئه‌م نه‌خۆشییه یان به ئه‌م جۆره چاره‌سه‌ر ده‌کرد:
1 – ترشاوێکی خه‌ستی سوماقیان ده‌گرته‌وه و ڕۆیان ده‌کرد به که‌فوکوڵ، که‌فه‌که‌یان له برینه‌کان ده‌داو یشکی ده‌کردن.
2 – شوانێک حه‌وت ساڵ شوانی کردبێت، به ئه‌ستێ و به‌رد چه‌ند پریشکێک ئاگری له‌سه‌ربرینه‌کان ده‌کرده‌وه، لایان وابوو وه‌ها چاک ده‌بێته‌وه، به‌داخه‌وه یه‌شتا ئه‌م نه‌ڕێته له‌هه‌ندێک شوێن هه‌رباوه.[ ئینگـ: Erysipeles].
ئاگره‌ی زبان/agirey ziban: نتـ[ ئاگره‌ی+ زبان][ نخ ] نه‌خۆشی یه‌کی درمه تووشی ئاژه‌ڵ ده‌بێت.
.
.
________________
ئاگره ³ /agire: نتـ:[ نخ][ ئاگر+ ه] ئاته‌شه‌ک، سیفلیس.[ ئینگـ: Syphilis].
.
.
_______________
ئاگره 4 /agire: نتـ :[ کەش] بایه‌کی گه‌رمه که بۆ کشتوکاڵ زیانی هه‌یه.
ئاگره‌که/agireke: نتـ:[ کشت][ ئاگره+ که] شه‌را : گره‌ییه‌که بدات له مه‌ره‌زه له ناوی ده‌بات.
.
.
.
.