لاڕێ/lařê: ن:[ لا+ ڕێ]

1 – ئاڤرێ، بێرێ(كباک، زا) : لاده‌ر له‌ رێگه‌.

{

ئەم دێیە جێ دێڵم: بێ نیشان، بێ شوێنپێ

ئەی پەری! سڵ مەکە، لا مەدە بۆ لاڕێ!

}{ گۆران}

:: …. نەیانتوانیوە بیكەنە خاڵی وەستان‌ و لێپرسینەوە، لەو هەموو بەرژەوەندی خوازیەی كە هێزەكەیانی، بە ئاراستەی لاڕێ بردووە.{ عوسمان گوڵپی}

2 – پێڕێ، پیادەڕێ. 

3 – پێچەقین و نەساز.{ هەژار، ل، 751}

لاڕێ بوون/lařê bûn: کتن:[ توێ]

1 – لەڕێ لادان. 

:: لاڕێ بوونی تیغەی ناوەراستی لووت یان سپتۆم.{ مەجید کازێمی}

2 – بریتی یە بایی بوون. 

لاڕێ دابڕان/lařê dabiřan: کتن: لە لاڕێ دەرچوون. 

:: …. ئەتەکێتێت کەسوکی وچڤاکی نەهێلان هەر هەمی ناشرین و لاڕێ دابرن( دابڕن).{ پەیبەڕ پەنابەر}

لاڕێ کردن/lařê kirdin: کتپ: فریودان و لە ڕێ دەربردن. 

لاڕێ گرتن/lařê girtin: کتپ: لاڕێ بوون. 

بەلاڕێدا بردن/be lařêda birdin: کتپ: لە ڕێڕەو دەرهێنان. 

چاڵی لاڕێ/çaľî lařê: نتـ:[ جێۆ][ چاڵ+ ی+ لاڕێ] قۆرت، کەنداڵ.[ ئینگـ: dike]. 

لەلاڕێ بوون/lelařê bûn: کتن:[ دەروون] لەڕێڕەو دەرچوون. 

:: … هونه‌ری په‌روه‌رده‌ی منداڵ یه‌كێكه‌ له‌ گرنگترین كاری هه‌ستیار و دژواری بواری په‌روه‌رده‌یی، جیهانی پاكی منداڵ، كاری قورس و هه‌ستیاری ده‌وێت، تاهه‌م له‌شكان وهه‌م له‌لاڕێ بوون پارێزراو بێت، هه‌ربۆیه‌ پێویسته‌ ده‌یان په‌ڕتووک و سه‌رچاوه‌ی له‌ باره‌وه‌ بخوێنریته‌وه‌، ده‌یان كۆڕ وسیمیناری بۆسازبكرێت، تا نه‌وه‌یه‌كی ته‌واو ته‌سلیمی كۆمه‌ڵگا بكه‌ین.{ ئەمیر ئەحمد عەبدولقادر}

.

.

.

.