پڵت/piľt: ئان:
1 – بڵ، نەرم و شل.
2 – دەنگی بە زۆر دەر‌هێنانی زاربێنی شووشەئاو.
پڵتە/piľte: نتـ:[ پڵت+ ئە]
1 – پەڵتە، بقە : دەنگی دەرکێشانی زار بەندی شووشە ئاو.
2 – تڵتە، تڵف.
پڵتەپڵت/piľtepiľt: نتـ:
1 – پەڵتەپەڵتی زار.
2 – بقەبق.
پڵتەخۆری/piľtexorî: نتـ: زۆرخۆری، خواردنی زۆر لە سەر یەک و نەخۆش کەوتن بەو هۆیەوە.
:: هێندەی پڵتەخۆری کرد لەو باخە، بۆیە نەخۆش کەوت.
پڵتەقاندن/piľteqandin: کتپ: چەقەنەلێدان.
پڵتک/piľtik: نتـ:[ پڵت( پڵتە)+ ک] پڵتۆک.
پڵتۆک/piľtok: نتـ:[ پڵ+ تۆک]
1 – پتە، پیتکە، پەلەپیلکە : بەپشتی پەنجە لێدان، پڵتەلێدان بە دوو قامکان. پەلەپیتکەیە بە پشتی قامکێکی.
2 – پێی تفەنگ و دەمانچە.
پڵت هەڵهێنان/piľt heľhěnan: نتـ: سازکردنی دەنگی پڵتە بەدەرکێشان یان دەرپەڕاندنی زارکی بوتری و شتی لەم بابەتە.
پڵتەهاتن/piľtehatin: نتـ:[ پڵت+ ئە+ هاتن] پەیدابوونی دەنگی پڵتە لەدەکێشان و دەرپەڕینی زارکی بوتری.
.
.
.
.