پاڵوو/paľû: ن:[ توێ]پارخان( کباک)، پاراسوو، پارسوو، پەراسوو، پارووخان( ئەردە)، پەراسی، پەرەکە، پەرانسوو، دەنکە_ دەندە_ دەنە : مرۆڤ 12 جووت پەراسووی هەیە، لەدیوی دواوە( پشتەوە) جومگەکان بە بڕبڕەی پشتەوە بەندن.
[ سانسکریت: parçve][ پەهلەوی: paħluk][ فارسی: pahlū]
{
جەوری یارم وەکو فیرعەونی ڕەقیب
تۆ لە پاڵووی ئەوا هامانی
}{ سالم، ل، 150}{ دیوانی شاعیران، ل، 153}.
.
.
___________
پاڵوو/paľû: ن:[ ئەند] سووچ، گۆشە.
چوارپاڵوو/çwarpaľû: نتـ:[ بیر][ ئەند][ چوار+ پاڵوو][ خشتەکی شەشڕوو]
1 – شتی ئەستووری چوارگۆشەی ڕێک.{ خاڵ، ب، ل، 137} { مەردۆخ، ب، ل، }
2 – بەردی ڕێکوپێکی بەنایی.
سێپاڵوو/sêpaľû: نتـ:[ سێ+ پاڵوو]
1 – [ بیر][ ئەند] تاشراوی سێ سووچ.{ هەژار، ل، 454}
2 – [ ڕوو] سێسێخە، سێحاچە : دڕکێکی سێ چوکڵەی خۆڕسکە یا شتێکی دەسکردی لەو چەشنە کە لە زیو یا ئاسن دروست کرابێت]
شەشپاڵوو/şeşpaľû: ن:
1 – [ بیر][ ئەند] خشتەک.[ ئینگـ : Cube].
2 – نیگارێکی سێڕەهەندی ئەندازەکییە خاوەن هەشت ڕێکگۆشەیە، دوازدە لێوار و شەش دیو.{ مەردۆخ، ب، ل، }
:: ژوورەکە شەش پاڵووە.
شیرپاڵوو/paľû: نتـ:{ خاڵ، ب، ل، }.
فرەپاڵوو/firepaľû: ن: [ بیر][ ئەند] فرەدیو، نیگارێکی سێڕەهەندی ئەندازەکییە، تێکبەستەی چەندان لێوارە و بە ژمارەیەکی دیاریکراوی دیوی تەخت سنووردارە.{ خاڵ، ب، ل، }
.
.
_________
پاڵوو/paľû: ن:
1 – ڕقەبەری، بەربەرەکانی، دارێکە دەدرێتە بەرپێی پاش بۆ نەجوولانی.
2 – قایش، کەژوو، پاردوو، پاڵدە، ڕانەکی، پشتێنی کۆپان، نەقیزەگا ( پارچە چەرمێکی پانە بۆ چەسپ کردنی کورتان) یان گوریسێکە کە دەکەوێتە بن کلکی وولاخانەوە، تا لەنگەری زین یان کورتان رابگرێت. لەبن کلکی توند نەبێت و بەلکوو دەکەوێتە سەر کەفەڵی.
3 – گری بارەبەر.
پاڵووبەن/paľûben: نتـ:[ پاڵ+ ( د)وو+ بەن( بەند)] پشتیوان و یارمەتیدەر، دڕژدار، بەهاناوە گەیشتن.
پاڵووبەنی/paľûbenî: نچ:[ پاڵ+ ( د)وو + بەن(بەند)+ ی] پشتیوانی.
پاڵووگێر/paľûgêr: نفا:[ پاڵ+(د)وو+ گێر(گێران)] دارێکە دەدرێتە بەر نێی ئاش کاتێک کە بەلایەکدا سەنگ نەبێت.
پاڵووگیر/paľgîr: نفا:[ پاڵ+ ( د)وو+ گیر( گیران)]
1 – دەپێکە بۆ راستە و پڕستەی دۆلاش بەکاردەهێندرێت.
2 – برینی بن کلک لە زبری پاڵورا.
.
.
.
.