هەڵز/heľiz: ن:[ ڕوو]  ئەم گیایە جۆرێکە لە گیاکانی بۆڕ، لۆ، وێڵنگە و کەما. لە هەر لایەکی کوردستان کوێستانی بێت دەست دەکەوێت، بەڵام بەهۆی زیاد بەکارهێنانی بەرەبەرە لەناو چووە و ئێستە تەنیا لە چەند شوێنی بەرتەسک ماوەتەوە.  ئەم گیایە پێش پشکوتن بۆ ناو دۆخەوا، ووشکەکەی بۆ ناو شەلەمین( ترخێنە) و چێشتی تر بەسوورەوکراوی و کوڵانن بەکاردەهێندرێت. بنی لای ڕیشەکەی دەدەنەوە و برینداری دەکەن بنێشتـئاسا شیلەیەکی لێدەردێت و ئەو شیلەیە بۆ کرمۆڵی و برینی ئاژەڵ و تەنانەت مرۆڤیش بەکاری دەهێنن. {

کەما و مەندۆک و هەڵز و لۆ پەڕیون
لە ترسی با لەناو قووڵکە و پەسیون

}{ هێمن}

{ تێبینی : بۆچوونی خۆم ئەوەیە کە چونکە ئەم وشەیە بە Hallz و Halliz بێژە دەکرێت ئەگەری زۆرە لە بنەڕەتدا هەمان هەڵیز بێت کە هەڵیز لە هەورامیا تەنیا واتای مەشکە دەدات. لە ناوچەی کەڵاتەرزان و بان لەیلاخ ئاوایی هەڵیزاوا هەیە کە ئەمە بۆخۆی گومانێکە ئایا ئەم وشەیە تەنیا واتای مەشکە دەدات یا لەوانەیە هەمان هەڵزاوا بێت. بەهەرحاڵ ئەمە بۆچوونێک بوو کە لە خۆیدا جێی سەرنجە. لە فارسیدا گیایەک لە جۆری لۆ و کەما کە بەم شێوە شیلەی بێت پێی دەڵێن آنقوزە. ئەم گیایە لە موکریان و لای هەولێر و دهۆک بۆ خواردن بەکار دێت. }{ }
.

.

_____________________

هەڵز/heľiz: ن:[ ناڤ] ناوە بۆ ڕەگەزی نێرینە.  

.

.

.

.