تێکەڵ/têkeľ: نتـ، ئانتـ:

1 – تێکل( کباک، زا)، پاڵۆش، ئاوێتە، ئامێتە، لێکدراو، تەڤلهەڤ، تەڤل، هوومین : چەند چشتێکی، کە تێکەلاوی یەکتری بووبن.

2 –  ئاشنا، دۆست، خزم.

تێکەڵ بەیەکتردران/têkeľ beyektirdiran: کتپ: دریای پێوەرە _ دریای چێوەنە( هـ).

تێکەڵ بەیەکتریکران/têkeľ beyektirîkiran: کتپ: دریای پێوەرە( هـ)

تێكەڵبوون/têkeľbûn: كتن:[ تێكەڵ+ بوون]

1 – تێوەچوون، تەڤل بوون، ئاوێتەبوونی چەند چشتێک بەیەكەوە.

2 – لێكدران شتەكان دەنێویەكدا.

3 – تێكهاڵان، جووت بوونی نێرومێ دەگەڵ یەكتر.

تێکەڵدان/têkeľdan: کتپ:

1 – لێکدانی ئاوەکی بۆ تواندنەوەی شتێک.

:: چایەکەت تێکەڵ دە، با شەکرەکە بتوێتەوە.

2 – لێکدانی چێشتی ئاوەکی بۆ هەڵنەگەڕان وهەڵنەچوون.

:: شیرتێکەڵدان، دۆکڵیو تێکهەڵدان.

تێکەڵکرانەوە/têkeľ kiranewe: کتپ:[ کناو] دریایۆ چێوەنە.( هـ).

تێکەڵکردن/têkeľkirdin: کتپ:

1 – ئاوێتەکردن، بەرناڤدان، بەیەکداکردن، جەمجقاندن، کەرچلاندن، کردنەسەریەکتری. 

:: ئاو و ڕۆنەکە بەیەکداکە.

2 – سەرلێشێوان و دروست بیرنەکردنەوە، خەرفان، مێشک تێکەڵ کردن.

تێكەڵولێكە /têkeľulêke: ئانتـ:[ تێکەڵ+ و+ لێکە] تێكەڵاو.

تێکەڵیی/têkeľîy: نچ:[ تێکەڵ+ ئیی] تێکەلاویی، تیکەڵی، ئاوێتەبوون، خزمایەتی، ئاشنایی، هاموشۆکردنی یەکتری.

.

.

.

.