شاپەسەن/şapesen: ن:[ ڕوو] تۆقەگوڵ، مینا : نەمامێکە قەدەکەی چوارسووچە و گوڵی ووردووردی شین دەگرێت. بۆ مەبەستی ڕازاندنەوە و پزیشکی دەچێندرێت. سوودی لێوەردەگیرێت بۆ دژی ئاوسانی ئاڵووی ناو دەم و ڕشانەوە.[ لا : Verbena officinalis].{ هەنبانەبۆرینە، ل، 461}.
پاشکۆی officinalis کە لە وشەی لاتنی officina هاتووە؛ نیشانەی ئەوەیە کە ئەم گیایە پێشتر وەک درمان بەکارهاتووە، چونکە ئەو ناوە لاتینیە مانای دەرمانخانە یان تاقیگە دەدات.
{
گوڵی شاپەسەن، لالەعباسی
چەشمەخروس و زوڵفی هەیاسی
}{ پێرەمێرد، کوردیپێدیا}.
| پۆلێنکردنی زانستی | ||||||
| شانشینی | هۆبە | پۆل | پلە | خێزان | چەشن | جۆر |
| جیهانی ڕووەک | کاسە تۆودارەکان | لچدارەکان | زەیتونییەکان | شاپەسەنییەکان | شاپەسەن | |
شاپەسەنییەکان/şapesen: ن:[ ڕوو] شاپەسەنییەکان گوڵێکی رەنگاوڕەنگ دەگرێت و لە جیهاندا نزیکەی 225 جۆری هەیە، رەنگە لای خۆمان تەنیا چەند جۆرێکی دەست بکەوێت کە بۆ جوانی لە نێو گوڵدان و باخچەدا دەیچێنن. بە شێوەی بنچک تا 105سم باڵا دەکات و لەقەکانی رەنگیان بۆرە، گەڵاکانی سەوزێکی مەیلەو زەرد و باریک و درێژن و لە گەڵا شویت دەچن، گوڵی چووکەی جوانی بە زۆر رەنگی وەک سوور، چێرەیی و بەنەوش و چەرمووی هەیە، بۆنی زۆر خۆشە و بۆ دەرمان دەشێت، لەبەر گوڵە جوانەکانی وەک گوڵێکی جوان لە باخچەکاندا دەیچێنن. جۆرێکی دیکەی هەیە کە زۆرتر بۆ دەرمان بەکاردێت. [ لا: Verbenacées].
لە شاپەسەندا ماددەی کیمیایی جۆراوجۆر هەیە کە ئەمانە هێندێکیانن: تانین:Tannin، موسیلاژ:Mucilage، ساپۆنین:Saponin، ڤێربێنالین:Verbenalin و بتاکاروتین : کە ماددەیەکی تاڵە.
.
.
.
.