پۆش¹/poş: ن:
1 – یەكەمین پێشگرە لە زمانی كوردییدا بۆ لەبەركردن بەكاردەهێندرێت( پۆشاک).
2 – ڕەگی چاووگی فرمانی( پۆشین)ـە.
3 – یەكەمین پاشگرە لە زمانی كوردییدا بۆ لەبەركردن بەكاردێندرێت.
:: چەكمەپۆش.
4 – یەكەمین پاشگرە لە زمانی كوردییدا بۆشاردنەوە بەكاردەهێندرێت.
:: عەیب پۆش.
پۆشاک/poşak: نتـ:[ هـ][ پۆش ( پۆشین)+ ئاک]
1 – كالای دەبەركردن، جلک و بەرگ، پۆشەن، ڕەڤی( کباک)، سیپاڵ.
2 – پێخەف.
پۆشاكخانە/poşak: نتـ:[ پۆشاک+ خانە]
1 – كۆگای جلوبەرگ : شوێنێک كە پۆشاک و جلی لێدەفرۆشن.
2 – ژووری پۆشاک
:: هەمزە چاوەش بەرنە پۆشاكخانەی، دەستێ بەرگی نوێی لەبەركەن.{ دمدم. 63}.
پۆشان/poşan: كتن: دەبەركردن، لخۆكردن، پۆشین.
پۆشاندن/poşandin: كتپ:
1 – پێپۆشین، پێ لەبەركردن.
2 – تەپساندن.
پۆشانن/poşanin: كتپ:[ ئەردە]
1 – پێپۆشین، پێلەبەركردن.
2 – [ مجـ] شاردنەوە، پنامكردن، پەنهانكردن.
پۆشەر/poşer: ئانفا:[ پۆش( پۆشین)+ ئەر] ئەو كەسە یان ئەو شتە، كە شتی پێبپۆشرێت
1 – داپۆشەر، پەردە.
2 – بەخشەر، لێبووەر، وەشكار.
پۆشەن/poşen: نتـ:[ ئەردە][ پۆش+ ئەن] پۆشاک، جلكوبەرگ.
پۆشەمەنی/poşemenî: ئاكتـ:[ پۆشە( پۆشتە)+ مەنی] پۆشتەمەنی.
پۆشەنی/poşenî: نچ: هەر شتێک شیاوی دەبەركردن بێت. پۆشاک.
پۆشران/poşiran: كتن:[ كارابزر ( ر : ناوگرێكە كە ئەكتیڤ دەكات بە پاسیڤ)] داپۆشران، لەبەرچڕووونكران، تەپسكران.
پۆشراو/poşiraw: ئانفا:[ پۆشران]
1 – داپۆشراو، وونكراو ، تەپسكراو.
2 – گۆنگ، نەناسراو، نەزانراو، نادیار.
پۆشی/poşî: نچ:
1 – [ هـ][ پۆش+ ئی]
1 – پۆشین.
2 – پەردە.
2 – [ کباک، باد] پووشوو، قاو، پیفۆ، : پۆشی سەری ژنان كە پارچەیەكی تەنكە.
پۆشیدە/poşîde: نفا:[ پۆشین]
1 – شاراوە، شاریاگەوە.
2 – پەنام، پەنهان، نهێنی.
پۆشی كردن/poşî kirdin: كتپ: پەردەپۆشین.
پۆشین/poşîn: كتن:[ پهـ: پۆشییتەن]
1 – لەبەركردنی كالا، دەبەركردن.
2 – وەشاردن، پۆشان، وون كردنی هەوالێک بۆ ئەوەی بڵانەبێتەوە.
{
ئەم سیا ڕۆزیی منە پۆشیووییە عەیبی كەسان
ئاشكارە سەتری ئەحواڵی گونەهكارانە شەو
}{ مەحوی}.
.
.
______________
پۆش²/poş: ئان:[ ئاژ]
1 – بزنی سپی گوێ رەش یان بزنی سپی گوێ رەش، بزنی پۆش.
{
هەم بو، نەم بو، چەندپۆشە
دام بەبزنێكی پۆشە
گۆتمە یارێ بیدۆشە
}{ فۆلكلۆر. 118}.
2 – شەڕەشاخ كردن.
پۆشەكەر/poşeker: نفا:[ پۆش + كەر(كردن)] قۆچەوان، شەڕكەر بەقۆچان.
:: بە نانێ پۆشكەرە : ئەو پیاوە ئازایە.
پۆشین/poşîn: نتـ:[ پۆش+ئین ] هیزار : سەرپۆشێكی ئاوریشمی ڕەشی ژنانەیە، كە بەخشڵ و پووڵەكەی دەیڕازێننەوە، ژنەكرمانجان بەزۆری لەسەری دەبەستن، پۆشی، پۆشین.
{
هەوەڵ لە داخت، دووهەم لە قینت
خۆم دەخنكخنم بەلكی پۆشینت
}{ كانی مرادان. 125}.
پۆشینە/poşîne: نتـ، وشتـ:[ پۆشین _ ئە] جۆرە شەدەیەكی ڕەشی سادەیە.
پۆشین پێچ/poşîn pêç: نفا:[ پۆشین+ پێچ ( پێچان)] خشڵی سەرسەرپێچ پۆشین.
.
.
_____________
پۆش³/poş: ن:[ ئەند] میچ، سەربان.
پۆشە/poşe: نتـ:[ ئەند] [ ئەردە] پۆش.
.
.
.
.