A A A

ئاوات/awat: ن:

1- ئاوه‌خت ( کهـ)، هیوا، ئامانج، ئاوەر، ئومێد، ئاره‌زووی مه‌زن، مه‌به‌ستی پڕبه ‌دڵ بۆ وه‌ده‌ست هێنان یان وه‌دیهێنانی شتێک، کارێک، و ئامانجێک ، ئاره‌زووی به‌جۆش، نیاز، ویست، خواست، هه‌وه‌س، هه‌وا

:: ئاواتی برده‌ ژێر گڵ.

{

ژیان دارێکە پێی ئەڵین ئاوات

لەبەری ناخۆی بێ هەوڵ و خەبات

}{ پیرەمێرد}.

{

بێ بابیی تۆ، بۆ من و تۆ، بابی فتووحه‌

بێ بابیی تۆ، خواستی من بوو، به‌ ئاوات

}{ نالی}.

2 –  په‌رۆش، تاو، جخار، کام.

به‌ئاواته‌وه‌بوون/be awatewe bûn: کتن:[ به‌ +ئاوات + ه‌ +وه‌ +بوون] چاوه‌ڕێی پێکهاتن و جێ به‌جێ بوونی مه‌به‌ستێک بوون

:: به‌ئاواته‌وه‌ یه ‌جارێک بچن سه‌ری لێبده‌ن.

به‌ ئاوات خواستن/be awat zwastin: کتن: له ‌دڵه ‌وه‌ حه‌ز به‌جێبه‌جێ بوونی کارێک، وه‌ ده‌ستهێنانی شتێک، پێکهاتنی مه‌به‌ستێک.

به‌ئاوات گه‌یشتن/be awat geyŝtin: کتن: گه‌یشتن به‌مه‌به‌ست.

به‌ئاوات نەگه‌یشتوو/be awat negeyŝtû: ئانتـ:[ بە+ ئاوات+ نە+ گەیشتوو( گەیشتن)] بێ هیوا، زاهمێ، نائومێد، هیوابڕاو.   

ئاواته‌ خواز/awete xwaz: نفا، ئانف:[ ئاوات+ ه‌+ خواز( خواست)] که‌سێکی بۆ وه‌ده‌ست هێنانی شتێک، وه ‌دیهێنان، یان وه‌ دیی هاتنی مه‌به‌ستێکی زۆر به ‌په‌رۆش بێت

::  ئاواته‌ خوازی قوومه‌جگه‌ره‌یه‌که‌. پیاوێکی ئاواته‌ خواز.

ئاواته‌خواسته‌/awate xwasite: نفـ، ئانفـ :[ ئاوات + ئه‌+ خواست( خواستن)+ ئه‌]

1 – شتێک، کارێک، مه‌به‌ستێک که‌ بۆ به‌ده‌ست هێنانی زۆر هه‌ڵ درابێت.

::  ئاواته‌ خواسته‌ش وه‌ها نابێت.

2 – [ ئد] هه‌رچی زۆر خۆشه‌ویست بێت و به‌دڵه‌وه‌ نووسابێت. ( به ‌تایبه‌ت منداڵ)

:: کوره ‌خۆ تۆ ئاواته‌ خواسته‌ نیت بۆ واز ناهێنی. 

ئاوات پێکهاتن/awat pêkhatin: کتن: وه‌دیهاتنی مه‌به‌ستی دڵ،جێ به‌ جێ بوونی ئامانج و ئاره‌زوو، به‌ ئاوات گه‌یین.

ئاواتی/awatî: نچ:[ ئاوات+ ی ] ئاواته‌ خواسته‌.

.

.

__________________________________________

ئاوات/Awat: ن: [ ناڤ] ناوه‌ بۆ نێرینه‌ و مێ یینه‌.

{ زه‌بیحی: به‌لای منه‌وه‌ ئه‌م وشه‌یه‌ له‌گه‌ڵ (ئایه‌پته‌)ی ئا‌ڤێستایی به‌واتای ( وه‌ده‌ست خستن) که‌ له‌په‌هله‌ویدا بۆته‌(ئایه‌فت) خزمایه‌تیان هه‌بێت. پرۆفیسۆرئابڕامیان (ئه‌یه‌فت)ی به‌ ئاره‌زوو و مراد لێک داوه‌ته‌وه‌، تمـ: ئارامیان: قاموسی په‌هله‌وی(فارسی)- ئه‌رمه‌نی}.

.

.

___________________

ئاوات/awat: ن:[ ڕوو] گوڵەدەمەشێر.  

.