ئیراد/îrad: ن:[ ع : اراده‌]

1- [ ڕۆژک، مکـ] نه‌نگه‌، ڕه‌خنه‌، عه‌یبه‌.

::  زۆر ئیراده‌ پیاوی گه‌وره‌ قسه‌ی ناشیرین بکات.

:: به‌ ئیرادی مه‌زنه‌. ئه‌وه‌شیان لێ کرد به‌ ئیراد.

{ تێبـ : ئه‌م وشه‌یه‌ ئه‌گه‌رچی عه‌ره‌بییه‌، به‌ڵام ئه‌و واتا یه‌ی که‌ له‌ کوردییدا وه‌ری گرتووه‌ فڕی به‌سه‌ر واتا عه‌ره‌بییه‌که‌وه‌ نیه‌.{زه‌بیحی}.

2-[ باشک]

1- داهات، به‌رهه‌م، گشت ئه‌و پاره‌یه‌ی له‌ کار و کاسبی، یا کشتوکاڵ ده‌ست که‌سێ ده‌که‌وێت.

{ یه‌ک دوودێی داوه‌تی سوڵتان په‌یی ئیتعامی ته‌عام || هه‌ر یه‌کێکی به‌قه‌ده‌ر خه‌زنه‌ێی ئیرادی هه‌یه‌ }{ ره‌زا}.

2-[ ئاب] هه‌موو ئه‌و پاره‌ و پووڵانه‌ی که ‌له‌ ڕێگای جۆربه‌جۆره‌وه‌ ده‌ڕژێنه‌ خه‌زێنه‌ی ده‌وڵه‌تێک.

.

ئیرادگرتن/îradgirtin: کتن:[ع : اراده‌ + کو : گرتن][ ڕۆژک، مکـ]

عه‌یب و عار ده‌رخستن، ڕه‌خنه‌گرتن،: ئه‌وه‌ چیه‌ هه‌ر له‌ خۆ ڕا ئیرادان ده‌گرن.

.

ئیرادلێگرتن/îrad lěgirtin: کتپ:[ اراد+ لێ+ گرتن][ ڕۆژک، مکـ]

1- عه‌یب له‌ کارێک ده‌رخستن، له ‌کار و کرده‌وه‌ و قسه‌ی که‌سێک ڕه‌خنه‌گرتن.

2- به ‌ڕاست نه‌زانینی کار یان قسه‌ی که‌سێک.

:: ئـیرادی لێ مه‌گره‌ هه‌ر ئه‌وه‌نده‌ی ئاقڵ پێ ده‌شکێت.

:: ده‌توانیت سه‌د ئیرادی لێ بگریت.

:: ساعاتێکه‌ قسه‌ده‌کات شتێکی و وه‌های نه‌گووتووه‌ ئیرادی لێ بگیرێت.

.

.

.