تیت¹/tît: ن:
1-[ هـ] کەزی، پرچ، قژ، پەلکە ( کباک).
2-[ کباک] چەلەنگ، جوان.
3-[ فە] تووی داروباران.
.
.
__________________
تیت²/tît: ئان: لاواز، بێ تین، بێ تووک.
.
.
__________________
تیت³/tît: ئان: پارچەی بچووکی کۆن و شڕە.
تیتاڵ/tîtaľ: نتـ:[ تیت+ ئاڵ]
1- زیواڵ، بزڕ_بزگوڕ، تیتۆڵ : پارچەیەکی بێ نرخە لە بەرگ، پێخەف، ژێرخەر وکوتەپەڕۆ.
:: تیتاڵی پەڕۆ دەس ناکەوێ.
تیتکە/tîtke: نتـ:[ تیت+کە] پارچە.
تیتوو/tîtǔ: نتـ:[مکـ][ تیت+ ئوو] تیتۆڵ، پارچە.
تیتووتیتوو/tîtǔtîtǔ: ئانتـ:[مکـ] تیتۆڵ تیتۆڵ، پارچەپارچە.
تیتۆڵ/tîtoľ: نتـ: [تیت+ ئۆڵ] زیواڵ، بزڕ _ بزگووڕ، پرزۆڵ، تیتاڵ : پارچەیەکی بێ نرخە لەبەرگ، پێخەف، ژێرخەر وکوتەپەڕۆ.
تیتۆڵ تیتۆڵ/tîtoľtîtoľ: ئانتـ: پرزۆڵ پرزۆڵ، لەت وکوت، وورد وخاش، پارچەپارچە، تڵیش تڵیش.
تیتۆڵ تیتۆڵ بوون/tîtoľ tîtoľbǔn: کتن: دڕبەدڕبوون، شڕبوونی پارچە.
تیتۆڵ لێبڕان/tîtoľ lěbiřan: نتـ:[ تیتۆڵ+ لێ+ بڕان( بڕین)] زۆرشڕ و کۆن بوون.
:: ئەو پاتۆڵەت تیتۆڵی لێبڕا هەتا کەنگێ دەبەری دەکەی.
تیتۆڵ لەکەسێک دادڕین/tîtoľ lekesěk dadřǐn: نتـ ، شڕ:[ ئد] فێربوون، وەک کەسێک بوونی بە باری چاکە و سەرکەوتن دا، بزگوڕ لەکەسێک دادڕین.
:: تیتۆڵێک لەو برایە ت دادڕە بزانە چەندە کوڕێکی لەسەرەخۆ و بێدەنگە و تۆش هەر هەرا و شەرتە.
.
.
.