لاف/laf: ن:
1 – فیز : گوفتاری بێ هودە و زۆرەڕۆیی.
2 – خۆهەڵکێشان.
3 – بەخۆدادەری بە پەمۆ ئاخندراو.
4 – درو.{ هەژار، ل، 753}.
لاف ئاڤێتن/laf avêtin: کتن:[ کباک]
لاف زێرین/laf zêrîn: ن: گوایە بە دەست کوتراوە و لەشەڕدا دەستەکە پەڕیوە و دوایە تەڵا یان بۆ تێکردووە و لەب زێرین هەڵەیە.
لاف لێدان/laf lêdan: کتن:
1 – نازکردن.
2 – خۆهەڵکێشان، پەسنی خۆدان.
لاف لێدەر/laf lêder: ئانفا: تەوتەوە، دەقتەژیی.
لاف و گەزاف/laf û gezaf: نتـ:
1 – بافیش، فیشاڵ، کاشخە، کەشخە.
2 – درو و دەلەسە.
{
ئیستە بۆ لاف و گەزاف هەر کەس دەیبنی عاشقە
نەک هەموو کەس جان فیدا وەک میم و حی و واو ویی
}{ مەحوی}.
{
گوڵ بە تۆزی پێتەوە لاف و گەزافی لێ ئەدا
وا شوکر سوسەی نەسیمت هات ئەویش لێ ستاند
}{ حەریق}.
لاف و گەف/laf û gef: نتـ:
لاف و گەف خواردن/laf û gef xiwardin: کتن:
لاف و گوزاف/laf û guzaf: نتـ:
لاف و لەتەر/laf û leter: نتـ: لیتە و پیتە، لێو و لچ.
لافی/lafî: نتـ: درۆزن.
.
.
.
.