تەراز ¹ /teraz: ن:[ ئەند][ ل][ فار : تراز] تەرازووی بەننا : ئامرازێکی بەنناییە کە بۆ ڕێکی و ڕاستی دیوار کەلکی لێوەردەگرن، چەند جۆری هەیە.
تەرازبوون/terazbǔn: کتن:
1 – بەرابەربوون، هاوشان بوون.
2 – ڕێک و ڕاست بوون.
تەرازکردن/terazkirdin: کتن:
1 – بەرابەرکردن.
2 – دیاریکردنی بەرزی و نزمی جێگایەک.
3 – مـیزان کردن.
تەرازنامە/terazname: نتـ:[ تەراز+ نامە] پێرستێك كە یانەكان لە كۆتایی ساڵ دەینووسن و ڕادەی دارایی و قەرزی تێدا دەنووسن.
تەرازی ئاویی/terazî awyî: نتـ:[ ئەند] لوولەیەکی کانزایە کە دووسەرەکەی لە شووشەیە و لە نێو شووشەکان ئاوەکییەکی ڕەنگینی تێدایە و پتر لە جادەسازی دا کەڵکی لێو‌ەردەگیرێت.
تەرازی هەوایی/terazî hewayî: نتـ:[ ئەند] لوولەیەکی شووشەیی سەر بەستراوە بە ئاوەکییەکی ڕەنگینی تیدایە و لە کاری بەنناییدا کەڵکی لێوەردەگرن.
.
.
_______________________
تەراز ² /teraz: ن:
1 – بەرانبەر، هێندەی یەكتری( دەر)، دەرانوەر( ڕۆژ).
2 – خواستنەوەی ئاژەڵە بۆ بەشە ڕۆن و دۆشین، كە تەنها بۆ مانگا بەكاردەبرێت بۆ مەر و بزن دەڵێن( شووانكارە).
3 – [ كباك] سەوزی، تەڕی، بەروبۆ، داهات.
.
.
.