بێر¹/bêr: ئان: بەهرە، پێمەڕە، پێل.
:: لە خێر و بێری نەبەی.
:: ولاتێكی بەخێر و بێرە.
.
.
_____________
بێر²/bêr: ن:
1 – بێل، پێمەڕە.
2 – بەرەبێر( كۆبوونی ئاژەڵ بۆ دۆشین): دارێكە دادەچەقێندرێت یەكێک لەسەری دادەنیشێ، وە یەكێكە سەری ئاژەڵی دۆشەنی دەگرێت بۆ دۆشین، رێزكردنی مەر بۆ دۆشین.
{
دێم و دەگرم بازی بێری شۆخ و شەنگ
دێم و دەگرم دەستی دۆی جوان و چەلەنگ
}{ هێمن}.
بێرە/bêre: نتـ:[ بێر+ ئە] پەزدۆتی، شیردۆشین : هاتنەوەی ئاژەڵ لە نیوەڕۆدا بۆ دۆشین.
بێرەدۆش/bêredoŝ: ئانفا:[ بێرە+ دۆش( دۆشین)]
1 – مەڕدۆش: ئەو كەسەی ئاژەڵ دەدۆشێت.
2 – دەفری دۆشین.
بێرگ/bêrg: نتـ:[ بێر+گ] شوێنێكی تایبەتی مەڕی تێدا دەدۆشرێت.
لابێر/labêr: نتـ:[ لا+ بێر] كەسێک یارمەتی بێری دەدات، لە مەڕ دۆشیندا، مەڕ دێنێتە بەر دەستی بێری.
بێری/bêrî: نتـ:[ بێر+ی]
1 – بێركەر، بێرەدۆش، بێریوانە، بێرگ، مەڕدۆش، دۆشەری ئاژەڵ : ژن یان كچێك كە ئاژەڵ دەدۆشێت.
2 – [ کباک] بێر : شوێنی مەڕ دۆشین.
3 – ناوە بۆ ڕەگەزی مێینە.
بێریڤان/bêrîvan: ئان:[ کباک][ بێری+ ڤان] شەنگەبێر : ئەو كەسەی كە دەچێتە بێری بۆ دۆشینی ئاژەڵ.
بێری كرن/bêrîkirin: كتپ:[ کباک، زا] بیری كردن.
بێریوانە/bêrîwane: نتـ:[ کباک، زا][ بێری+ وان+ ئە] بێری.
بێرین/bêrîn: ن:[ کباک] بێری.
.
.
.
.