تاش ¹ /taş: ڕەگ:[ ڕەگی چاوگی( تاشای، تاشین، تاشتەی)]
1 – تیش، تەراشکراو.
2 – پاشگرێکە لە زمانی کوردی کە دەلکێت بە ناو و ناوێکی نوێ دروست دەکات
:: بەرتاش.
:: دارتاش.
:: سەرتاش.
تاشای/taşay: چ:[ هـ][ تاش+ ئای] تاشین.
تاشتەی/taştey: چ:[ هـ ] تاشین، تراشین.
تاشەر/taşer: نفا:[ تاش+ ئەر] کەسێک کە شتێک دەتاشێت.
تاشتش/taştiş: نتـ:[ کباک، زا] تاشین.
تاشران/taşiran: کتپ:[ هـ] تاشیا.
تاشراو/taşiraw: نفا:[ تاشران( تاشان _ تاشین)] تراشراو : هەر شتێکی کە تاشرا بێت.
تاشین/taşîn: کتن:[ هیک: تاشتی، تەکش][ ئێک: تەخش][ ئاڤێسـ: تاش، تەش][ سوغ: تەش][ پهـ: تاشتەن، تەشییتەن، تاشیتەن][ فار: تراشیدن][ ل: تێراشتێ][ پەش: تەراشێدل][ تات: بێتاشە ستەن][ گیل: تاشتەن] تەراشین، تەراشکردن.
1 – لێدان و بڕینەوەی تووکی سەر و بەر.
2 – دادانی کەرەسەی چێوی و دار.
3 – کڕاندنی شتی زێدە.
4 – لێک و لووس کردنی تەختە و چێو.
5 – لێک و لووش کردنی بەرد و مجەسەمە.
6 – [ ئەردە] دروێنەکردن، دروونەوە.
.
.
___________
تاش ² /taş: ن:[ هـ، ئەردە] رەوەز، گاشەبەرد، تاسەبەرد : بەبەردێک دەگوترێت کە ساف ولووس بێت.
{ دیارە وشەیەکی دیکەش بۆتاش هەیە، کە ئەوەش (تات: تەخت: ساف و لووس)}{ج. نەبەز}
{
تای بەڕەزای شەنگ عەنبەربۆی شەوڕەنگ
پەخش بێ نەرووی تاش ئەلحەد سەرای سەنگ
}{ مەولەوی}.
تاشەبەرد/taşeberd: نتـ:[ تاش+ ئە+بەرد] رەوەز: بەردی یەکپارچەی گەورە.
تاشەتەوەنی/taşetewenî: نتـ:[ هـ][ تاش+ ئە+ تەوەن+ ئی] تاتەبەرد.
تاشەی کوچک/taşey kuçik: نتـ:[ تاش+ ئەی+ کوچک] تەختە بەردی گچکە.
.
.
.
.