| رێ و رسمێن جەژنێ: | |
| هەر ئێزدیەکی قەستا پەرستگەها لالش بکەت گەرەکە لسەر پرا سەلاتێ رە دەرباس ببت و بچتە سەر حەودا کانیا سپی دەست و چاڤێن خو پێ پاک بکەت. | |
| هەر ئێزدیەکی بچتە لالشا نورانی دڤێت ل کانیا سپی و دەرێ قاپیێ و زمزمێ و سندروکا شیخادی و بەرێ شباکێ و نیشانگەها شێخ فەخر(ئختیارێ مەرگەهێ) و مەزارێ شێشمس و شێخ و پیرێن خوە زیارەتی ببت. | |
| ل هەمی ئێڤاریان سەما دهێتە کێشان چرایێن ئاقد و نیشانگەهێن خاسا دهێنە ڤێخستن. | |
| ل هەمی رۆژان سبەیکا پشتی بەیتا سبێ و ئێڤاران بەری بەیتا ئێڤاری رێ و رسمێن قنتارێ دئێنە گێران. | |
| کەسێ نەی مرۆکری ب ئاڤا کانیا سپی دئێتە مۆرکرن. | |
| هەمی ئێڤاریان قەول و بەیت و قەسیدە دئێتە رێزکرن و دەف و شبابا لێدخن. | |
| گۆڤەندا دەرێ کانیێ دئێتە گێران. | |
| سەرەدەریێن خاسا سماتێ چێدکن. | |
| ل رۆژا دوماهیێ ژ جەژنێ تاووس دئێتە جوان کرن و ل گوندان هەر مالەکێ سەر برەکێ سەر ژێ دکت. | |
| تێبینی |
| ب هژمارا بابێ شێخ سبەهی ئێکەم رۆژا جەژنا چلێ هاڤینێ یە. |
.
.
پشتی 40 رۆژان ژ رۆژیگرتنا کەسێن مەزن و ئولی، ئێزدی جەژنا چلێ هاڤینی ئەنجام ددەن کو ئێکە ژ جەژنێن دیار و مەزن و پیرۆز دناڤ ئیزدیان دا.
لوقمان سلێمان بەرپرسێ نڤیسینگەها پەرستگەها لالش بۆ ئێن ئاڕ تی ڕاگەهاند، ئەڤرۆ جەژنا چلێ هاڤینێ یە کو پشتی 40 رۆژێن رۆژیگرتنا کەسێن مەزن و ئولی ئەڤ جەژنە دهیتە ئەنجامدان و ئێکە ژ جەژنێن مەزن و دیار و پیرۆز دناڤا ئێزدیان دا.
بەحسا وێیەکێ ژی کر، جەژنا چلێ هاڤینێ تایبەتمەندیا خۆ دناڤ ئیزدیان دا هەیە و سالانە رێورەسمێن جودا بۆ دهێنە گێران،
ئێزدیان، حەفت جەژنێن سەرەکی هەنە و جەژنا چلێ هاڤینێ مەزنترین و پیرۆزترین جەژنا وانایە، سالێن دەربازبووی ل پەرستگەها لالش رێورەسمێن سەرەکی بۆ جەژنێ برێڤەدچوون، هەورەسا پەرستگەها لالش مەزنترین و پیرۆزترین پەرستگەها ئێزدیانە لسەرتاسەری جیهانێ کو دکەڤیتە باکورێ رۆژهەلاتا قەزا شێخان ل پارێزگەها دهۆکێ.
.