ئاوه‌ڕۆ/aweřo: نفا:[ ئاو +ه‌ + ڕۆ( ڕۆیشتن)] رێباز، ئاوڕێژ، ئاوه‌ڕێژه‌، جۆگه‌، ڕه‌وتی ئاو، کونج _  گونج، زێراب، ره‌هه‌ند.

 1-  باری ڕه‌وت و شۆڕبوونه‌وه‌ی ئاو له ‌ ناوچه‌یه‌ک ڕا بۆ ناوچه‌یه‌کی تر

:: ئاوه‌ڕۆی ناوشوان ده‌ێچته‌ شاری که‌رکووکه‌وه‌.

:: ئاوه‌ڕۆی مه‌یدان به‌ڵه‌ک ده‌چێته‌وه‌ مه‌هاباد.

2- ئاوڕێگه ‌: کونێکه‌ له ‌دیواری خانووی گوند و شاره‌کانی کوردستان، ئاوی باران و چڵکاو که‌ له ‌ناو حه‌وشدا کۆده‌بێته‌وه‌ و پێدا دهاواته‌ده‌ره‌وه‌.

{ تێبـ : ئێستا له‌ شاره‌کانی کوردستان زۆر که‌م بووه‌ و به‌ڵکو هه‌ر نه‌ماوه}‌{زه‌بیحی}.

:: ئاو له ‌ئاوه‌ڕۆکردن  : ناله‌باری کردن، بێ حه‌یایی کردن.

ئاوه‌ڕۆچوونه‌سه‌ر/aweřo ĉǔneser: كتن:[ ئاو +ه‌ + ڕۆ( ڕۆیشتن)+ چوون+ ئه‌+ سه‌ر] لكانی ئاوه‌ڕۆی بچووك كه‌ برژێته‌ ناو ئاوه‌ڕۆی گه‌وره‌تره‌وه‌.

:: ئاوه‌ڕۆی جاندان ده‌چێته‌ سه‌ر ئاوه‌ڕۆی مهاباد.

ئاوه‌ڕۆ هاتنه‌سه‌ر/aweřo hatineser: كتن:[ ئاو +ه‌ + ڕۆ ( ڕۆیشتن)+ هاتن+ ئه‌+ سه‌ر] ئاوه‌ڕۆچوونه‌سه‌ر.

:: سێ بییان له‌پشت شنۆیه‌، ئاوه‌ڕۆی دێته‌ شنۆیه‌ .{ شۆرمه‌حموود}.

ئاوه‌ڕۆگه‌/aweřoge: نتـ: ئاوه‌ڕۆ.

.

.

.