ژاڵە ¹ /jaľe: ن:[ ڕوو] روول( باد)، رولک( سوورچی): گەڵای درەختی ھەمیشە سەوزە و زۆر ژەھراوییە لە ناوچەی دەوروبەری دەریای ناوەڕاست تا دەگاتە ووڵاتی چین و ئەمەریکا سەوزدەبێت، ھەروەھا لەکوردستانیش ھەیە و لەھەندێ ناوچە بەشێوەی خۆرسک دەڕوێت. لەزۆربەی باخچەکان و سەرشەقامەکان وەک درەختی جوانی دەڕوێنرێت و زۆرجار پاش بڕین و قەڵەمکردنی وەک پەرژین بەکاردەھێنرێت. تا ئیستا زیاتر لە 400 جۆری ژالە پۆلێنکراوە. ژاڵە گوڵی فەرمی ھێرۆشیمایە چونکە لەدوای وێرانبوونی بەچەکی ئەتۆمی لەساڵی 1945 یەکەم گوڵ بوو سەوزبویەوە و گوڵی گرت.[ ئینگـ: Nerium Oleander].
| تێبینی |
| دەکرێت ناوی ژاڵە لە زەھر یان ژەهری ڕووەکەوە هاتبێت نەک ژەهری زیندەوەر {Ibrahim Surchy} |
| پۆلێنکردنی زانستی | ||||||
| شانشینی | هۆبە | پۆل | پلە | خێزان | چەشن | جۆر |
| جیهانی ڕووەک | کاسە تۆودارەکان | کاسە گوڵدارەکان | گیاتاڵەییەکان | خڕنووگە سەگانە | ژاڵەییەکان | ژاڵە |
{
هەر ئەڵێی داری ژاڵەیە
بە کراسێکی سوورەوە
لە سووچێکدا ڕاوەستاوە.
ئەمڕۆ ئێرە
سەراپای ئەم «ئەنقەرە»یە
بۆنی چەکمە
بۆنی قەمە
بۆنی ئەتاتورکی لێ دێ!
}{ شێرکۆ بێکەس}
.
.
__________
ژاڵە ² /Jaľe: ن:[ ناڤ] ناوێکی زمانی کوردییە؛ بۆ جێندەر یان ڕەگەزی مێینە.
:: ژاڵە سنەیی بە گۆرانی، هۆنراوەی شاری جەلال مەلەکشا دەچرێت.
.
.
__________
ژاڵە ³ /jaľe: ن: ناوی گوندێکە.
.
.
__________
ژاڵە 4 /jaľe: ن: جێگەی هەنگ.{ وشەنامە، ل، 570}
.
.
.
.