توورەكە ¹ /tûreke: ن: جەواڵ، زەرف، کیسە، هەگبە.[ ئینگـ: sac ، bag].
:: توورەکەیەک دیاری.
{
کوێستانی دووریت ھەر زەردوماھە
تەرت و لابەلا، ڕژد و ھەڵدێرە
باری فیراقت پشتی شکاندووم
بەسەرمدا دێ، دەڵێی تاوێرە
سەرباری دووریت شانمی جدەو کرد
بە تا و توورەکە، بە ھۆڕ و تێڕە
عیشقت لەسەرم قەت ناچێتە دەر
لەسەر سەریشم بگێڕن گێرە
}{ سەیفول قوزات}
1 . كیسەیەک كە كەرەستە یا تێشووی تێبنێن و بۆ سەفەر یان شوێنی دیكە دەگەڵ خۆیان بیبەن.
2 . كیسەی ئالیک و جۆی ئەسپ و وڵاغ كە دەملیان دەكەن.
3 . تۆربین/torbîn: ن: كیسەیەک كە جووتێر تۆوی تێدەكات. لە لاتەنیشتی دەكات و تۆوی لێدەردێنێت و دەیپڕژێنێت.
4 . جانتا، جانتای دەستی ژنان
توورەكانە/tûrekane: نتـ:[ ئاب] باجێک كە گزیر( ئاغا) لەسەر خەرمان لە جووتیاری دەستێنێت.
توورەكەدار/tûreke: ئانتـ: کیسی، بەریکی : لەتوورەکە دەچێت( لە ڕشتەی ڕووەکناسی و گیانەوەرناسی)[ ئینگـ : saccate]{ سەلاحەدین، ل، 795}.
توورەكەرێژ/tûrekeřêj: نفا:[ توورەكە+ ڕێژ( ڕشتن)] تەپۆلكەیەكی دەستكرد كە بەبێگاری یا بەزۆر خەلک بەتوورەكە خۆڵی بۆ هێنابێ.
توورەكەی بەفر/tûrekey befir: نتـ:[ توورەکە+ بەفر] توورەکەی سەهۆڵ.[ ئینگـ: ice bag]
توورەكەی سواڵ/tûrekey swaľ: نتـ: توورەكەیەک كە سواڵكەر بەخۆیەوە هەڵداوەسێت و هەرچی كە سواڵی دەكات تێیداوێت.
| توورەکە لە زاراوەی جیاواز |
پڕبە توورەکەیەک/piřbe tûrekeyek: نتـ:
خاک بەتوورەكە كێشانن/xak be tûreke kêşanin: شڕ:[ ئد] وێران كردن و تاڵان كردن.
خستنە توورەکەوە/xistine tûrekewe: کتپ: کردنە کیسەوە ( شتومەک )
شتێک لەتوورەکە چوو/şitêk letûreke çû: نتـ، کتن:
.
.
________________
توورەكە ² /tûreke: ن:[ توێ] کیس _ کیسە.[ ئینگـ: sac][ لا: cyst].
توورەكەکردن/tûreke kirdin: کتن، کتپ:[ توێ] کیسکردن[ ئینگـ: sacculation].
توورەكەیی/tûrekeyî: نچ:[ توێ] کیسەیی.[ ئینگـ: saccular].
| هەندێ لە توورەکەکانی ناو لەشی مرۆڤ |
توورەكەی با/tûrekey ba: نتـ:[ توێ] توورەکەی هەوا.[ لا: air cyst].
توورەكەی باهویی/tûrekey bahewîy: نتـ:[ توێ][ لا: brachial cyst].
توورەكەی بچووک/tûrekey biçûk: ئانتـ:[ توێ] کیسۆڵە : توورەکەی گوێی ناوەوە.[ ئینگـ: saccule, sacculus].{ پەزیشکی، ل، 311}.
توورەكەی پانکریاس/tûrekey pankiryas: نتـ:[ توێ] [ لا: psncreatic cyst].
توورەكەی پێستە/tûrekey pêste: نتـ:[ توێ] پێستە توورەکە.[ لا: Dermoid cyst].
توورەكەی دەرەوە/tûreke: نتـ:[ توێ] توورەکەی دەرەکی.[ لا: Adventitious cyst].
توورەكەی درۆزنە/tûrekey dirozine: نتـ:[ توێ][ لا: false cyst].
توورەكەی ڕەگی دەماری/tûrekey řegî demarî: نتـ:[ توێ] توورەکەی خانەخانە.[ لا: neural cyst].
توورەكەی زگ/tûrekey zig: نتـ:[ توێ][ ئینگـ: abdominal sac].
توورەكەی شیری/tûrekey şîrî: نتـ:[ توێ][ لا: lacteal cyst].
توورەكەی فرمێسک/tûrekey firmêsik: نتـ:[ توێ][ ئینگـ: lacraimal sac].
توورەكەی گازی/tûrekey gazî: نتـ:[ توێ][ لا: gas cyst].
توورەكەی گەرادانی/tûrekey geradanî: نتـ:[ توێ] توورەکەی هێلکەدانی.[ لا: ovarian cyst].
توورەكەی منداڵدان/tûrekey mindaľdan: نتـ:[ توێ] پزدان : ئەو توورەکەیەی ئاوڵەمەی تێدایە.[ ئینگـ: amniotic sac].
توورەكەی ملی/tûrekey milî: نتـ:[ توێ][ لا: cervical cyst].
توورەكەی هەزارلۆغانە/tûrekey hezar loẍme: نتـ:[ توێ] توورەکەی خانەخانە.[ لا: neural cyst].
توورەكەی هێژا/tûrekey hêja: نتـ:[ توێ] ئێڵاش.[ ئینگـ: corioc sac].
.
.
________________
توورەكە ³ /tûreke: ن:[ زیند] مەشکە.[ ئینگـ: Theca]{ کەمالنامە، ل، 1042}
:: توورەکەیەکە گیانداری راوکراوی تێدەکرێت
توورەكەی زەردێنەی هێلکە/tûrekey zerdêney hêlike: نتـ:[ ئینگـ: yoke sac , vitelline].
.
.
.
.