جەڕ ceř

جەڕ/ceř: ن:[ کەرەستە]

1 – برغو، بورغوو، برغی، پێچ، ڤیدە، جەڕڕە، لووپێچ : بزماری بەپێچ بە بادانی تونددەبێت و دەکرێتەوە. 

2 – گیر.

جەڕان/ceřan: کتن: جەڕیاێ ( هـ) : گیرخواردنی چشتێکە لە ناو چشتێکی تردا بەڕەنگێکی وا، کە زۆرگران بێتە دەرەوە.{ بێستوون. ل. 37}

:: فیسار ژن بەمنداڵەوە جەڕاوە.

:: فلان کەس بەمیزەوە جەڕاوە.

جەڕاندن/ceřandin: کتپ: جەڕناێ( هـ)

1 – بەستران، بەستن و شەتەکدانی شتێك. 

2 – سفتکردن.

جەڕانن/ceřanin: کتپ:[ ئەردە] جەڕاندن.

جەڕاوە/ceřawe: نفا:[ جەڕان] بەستراوە.

جەڕەبادان/ceřebadan: کتپ:[ جەڕە+ بادان] بەستن و شەتەکدانی چشتێك زۆر بەتوندی.

جەڕبادەر/ceřbader: نفا:[ جەڕ+ بادەر( بادان)] بادەك، پێچبادەر، دەرنەفیز، هاچەر : ئاسنێکی لووت پانی کلکدارە جەڕی پێ بادەدرێت.

: ئامرازێكی ساكارە بۆ توند كردن و شل كردەوەی پێچ و مۆرە كەڵكی لێوەردەگیرێت.

جەڕبادەری ئینگلیزی/ceřbaderî înglîzî: نتـ:[ جەڕبادەر+ ی+ ئینگلیزی] کلیلی ئینگلیزی.

جەڕدار/ceřdar: ئانتـ:[ فە][ جەڕ+ دار] سەرڕەق، کەللەڕەق، مانگرتوو، لاسار.

جەڕدان/ceřdan: کتن:[ جەڕ+ دان] بادان و بەستن بەتوندی، سفتکردن.

جەڕ و مەنگەنە/ceř û mengene: نتـ:[ جەڕ + و+ مەنگەنە] مەنگەنە : دووتەختەی ئەستووری درێژە لەهەردووک سەرەکانیدا جەڕی پێوەیە پەرتووکی تێدەخرێت و بورغیەکانی تونددەکرێت، تەختەکان دەنیشنەسەر یەکتری و پەرتووکەکە دەق دەگرێت، لەم سەردەمەدا هی باش لە ئاسن دروستدەکرێت بە ئارەوی پێی دەڵێن (مکبس).  

.

.

.

.