گەدا geda

گەدا/geda: ن: بێچارە، دەرۆزەگەر، سواڵکەر، هەژار : ئەو کەسەی کە ( پارە، خواردن، جلوبەرگ) لەبەر دەستکورتی داوابکات. ئەم وشەیە کوردییە و هەر لە کۆنەوە چۆتە زمانی فارسییەوە بۆ نموونە پتر لە سەدە و نیو شێخی سەعدی لە گوڵستاندا بەکاری هێناوە.

{

گەدایی کۆیی جانانە بەشاهی عالەمێ نادەم

گەدایی خۆشترە بۆ من لە شاهی گەر موخەیەریم

}{ سالم، شاعیران، ل، ٧٧٤}

گەداپەروەر/geda: ئانتـ: ئەوەی کە یارمەتی هەژاران و دەست کورتان دەدات و بەرامبەریان دڵ نەرمە.

{

بە ئەحواڵی ملووکانی گەداپەروەر دڵم سووتا

لە بابانا ئەمێستە موستەحەققی خێر و ئیحسانن

}{ سالم}

گەداڕەنگ/geda: نتـ:[ گەدا+ ڕەنگ] سواڵکەر، بەڕوواڵەت سواڵکەر.

{

ئەگەرچی زاهیرەن مسکین و دەرویش و گەدا ڕەنگم

لە غەزنەی خاترا مەحموودی گێسوویی ئەیازێکم

}{ سالم}

گەدایی/geda: نچ: بێچارەیی، دەرۆزەکەری، سواڵکەری، هەژاری. 

.

.

.

.

.