پرچ/pirč: ن:

1 – [ توێ] پۆڕ ( کباک)، پێرچ ( ل)، تووک، تیسک، قژ( کناو)، کەزی، گیس( فە، دەر)، هوون : مووی درێژی سەر

:: پرچی ئەو کچە ڕەشماڵی گەرمیان و کوێستان مە.{ لەتیف هەڵمەت}.

2 – مووی لەش لە ئاودا.

پرچ بڕین/pirč biřîn: کتن:[ پرچ+ بڕین] بێجگە لە سەرتاشین لە کەلەپووری کوردەواریدا هیمایەکی ناشێرین دەدات بەکچان و ژنان. هەڵپاچین و تاشینی تووکی سەری ئافرەتێک کە کارێکی بێ ئابڕووی کردبێت و بە نیشانەی سووک کردن و ئابڕووبردنی و  ئەتککردن لە ناو خەڵکدا ئەنجامدراوە. هەڵبەت ئەمەش ئەکێکە لە نەرێتە ناشیرینەکانی باووکسالاری.   

پرچ بەبڕین چوون/pirč bebiřîn čǔn: کتن: هەڵپاچران و تاشرانی تووکی سەری ئافرەت، لەبەرداوێن پیسی. ئەم ڕاوێژە زۆرتر دایک بەکچی دەڵێت وەک تووک و جنێو

:: دەک ڕۆڵە پر‌چت بەبڕین چێت، ئەوە تۆ بۆ ئەوەندە بێشەرمی.  

پرچ داهێنان/pirč dahênan: کتن: پرچ شانەکردن.

پرچ سپی بوون/pirč sipî bǔn: کتن:[ کنـ] پیربوون، گەیشتنە تەمەنی پیری و خاوەن ئەزموون بوون.

پرچ سپی کردن/pirč sipî kirdin: کتپ : پیر‌کردن، خەم و خەفەت دان بە کەسێک. 

پرچ شانەکردن/pirč šane kirdin: کتن: قژداهێنان.

پرچ ڤێرکردن/pirč vêrkirdin: کتپ: پرچ داهێنان بە ئامرازی ڤێر.  

پرچکن/pirčikin: ئانتـ:[ کباک][ پرچ+ ک+ن] پرچن. 

پرچن/pirčin: ئانتـ:[ پرچ+ ن]

1 – خاوەن پرچ.  

2 – مووی تێکەڵاوی پڕیی شانە نەکراو.  

پرچنە/pirčine: ئانتـ:[ هـ][پرچ‎ +نە] پرچن.

پرچ وەرین/pirč werîn: کتن: قژوەرین، قژکەوتن.

پرچی ئایشەوفاتمە/pirčî ayše û fatime: نتـ: کۆڵکەزێریینە، کەسکە سوور.

پرچی پیرێژن/pirčî pîrějin: نتـ: چەند رۆژێکە لە دواڕۆژەکانی وەرزی زمستان، هەوایان زۆر ساردە. 

پرچی سپی هۆندنەوە/pirčî sipî hondinewe: کتپ:[ کنـ] مێرد نەکردنی کچ یان مێرد نەکردنەوەی ژنێک کە مێردەکەی مردبێت یا چاوەڕوانی حەز و گراوی و خۆشەویستەکەی خۆی لە ماڵدا دانیشێت.

:: پرچی سپی بۆ دەهۆنێتەوە : بە ئەو نەبێت شوو ناکات.

.

.

.

.