ناتەواو/natewaw: ئانتـ:[ بیر][ نا+ تەواو] ئەو تشتەی کە تەواو نەبێت، بەکەموکوڕی، پاندرووس( کباک).
2 . درۆزنە، ساختە، قەڵب.[ ئینگـ: facsimile(= FAX)]
3 . هەڵەدار، ناڕاست.[ ئینگـ: inaccurate]
ناتەواوە/natewawe: نتـ:
ناتەواوێتی/natewawêtî: نچ:
ناتەواوی/natewawî: نچ:
1 . [ بیر] بەکەموکوڕی.[ ئینگـ: inadequate]{ فەرهەنگی ئازادی، ل، 462}.
2 . ناڕاستی.
3 . ناووردی.[ ئینگـ: inaccuracy]
| زاراوەی ناتەواو لە زوانی باڵای وێژەی کوردییدا |
ڕەگەزدۆزیی ناتەواو/řegezdozîy natewaw: نتـ:[ ڕەگەزدۆزیی+ ناتەواو] ڕەگەزدۆزی ناتەواو دابەش دەبێت بەسەر چەند جۆرێک.
ئەگەر لە کێش و ژمارەی پیت و شکڵا وەکوو یەک وابوون بەڵام لە سەر و بۆردا جیابوونەوە ئەمە بە ڕەگەزدۆزی« لادەر» واتە « منحرف» ناو ئەبرێ. وێنەی ئەمە وەکوو « نالی» ئەڵێ:
{
کەس بە ئەلفازم نەڵێ خۆ«کردی»یە، خۆکردیە
هەر کەسێ نادان نەبێ خۆی تالبی مەعنا دەکا
| ڕەگەزدۆزییەکە لە نێوانی دوووشەی « خۆکردی» دایە. |
| یەکەم بە « بۆر» ئەخوێنرێتەوە، نیشانەی بۆر لە کوردیدا « و»ە، بۆ نووسینی، واتە «کوردی». |
| دووەم بە بێ « و» ئەنووسرێ، واتە « کردی». |
| وە منیش بۆیە لە دەقەکەدا هەردووکیم بە« کردی» نووسی، لەبەر شەرح کردنەکە بوو، ئەگینا نووسینی « کوردی» بە «کردی» هەڵەیە.{ عەلائەدین سەجادی، ڤەژین} |
وە یا هەر« نالی» ئەڵێ:
{
کە تۆ «قبلە»ی دەمت سا بێنە قوربان
لە بۆ «قبلە»ی دڵم مەشکێنە قوربان!
}
| هونەرەکە لە نێوانی هەردوو وشەی« قبلە» دایە؛ |
| یەکەم « قیبلە»یە بە« ژێر»ی « ق». |
| دووەم « قوبلە» بە« بۆر»ی قاف. |
| ئەگەر جیاوازییەکە لە ژمارەی پیتەکانا بوو، واتە ئەو دوو وشەیە یەکێکیان پیتێکی زیاتر بوو لەویکەیان، ئەمە بە ناوی « ناتەواو»ەوە ناو ئەبرێ، |
| ئەو پیتە زیادەیە لابەی ڕەگەزدۆزیەکی تەواو پەیدا ئەبێ. |
وێنەی ئەمەش دیسان وەکوو« نالی» ئەڵێ: لە کاتێکا کە پیتەکە لەسەرەتای وشەکەوە بێ.
{
لە نێو ڕیگی ڕەواندا «قم» «نقم» بوو، وشتریش بوو گوم
نەما گوێ بیستنی«قم، قم» چ جای ئیمکانی هەستانە!
| ڕەگەزدۆزیەکە لە نێوانی« قوم» و«نوقوم» دایە. |
| پیتی« ن» لە« نوقم» لابەری – کە زیادە لە« قوم»- ڕەگەزدۆزیەکی تەواو پەیدا ئەبێ. |
| هەروەها لە نێوانی« قوم» و« گوم»یشدا ڕەگەزدۆزی« لاحق» هەیە. |
| ئەمەش وەختێ ئەبێ بە« لاحق» کە حوکم بکەین بەوە شوێنی دەرچوونی دوو پیتەی« ق» و« گ» لە گەروودا نزیکی هەیە لە بەینیانا. |
وە یا ئەو پیتە زیادەیە بکەوێتە ناوەڕاستی وشەکەوە. وێنەی ئەمە وەکوو« حاجی قادری کۆیی» ئەڵێ:
{
}
| ڕەگەزدۆزی وێنەکەی ئێمە لە نێوانی« بێدار» و« بێدیار» دایە، کە پیتی« ی» لە وشەی« بێدیار» لابەی، لەگەڵ « بێدار»دا ئەبێ بە ڕەگەزدۆزیەکی تەواو. |
| هەروەها ڕەگەزدۆزی« جیا» لەنێوانی« بێدار» و« بێداریشدا» پەیدا بووە. |
وە یا ئەو پیتە زیادەیە کەوتبووە دوایی وشەکەوە. وێنەکەی وەکوو «گۆران» ئەڵێ:
{
لە لاپاڵی کێو قاسپەی کەو نەهات
بە بێ کەوش کەوتمە ڕێی هات و نەهات
ڕەگەزدۆزیە ناتەواوەکە لەنێوانی دوو وشەی« کەو» و« کەوش» دایە، پیتی« ش» کە کەوتۆتە ئاخری وشەی« کەوش»ەوە، لا ببرێ« کەو» ئەمێنێتەوە، لەگەڵ وشەی« کەو»ی پێشوودا ڕەگەزدۆزی تەواو پەیدا ئەبێ.
.
.
.
.