سایە/saye: ن:
1 – سا، سێبەر : پاڵ، پەناگا، پەناگە، پەنهان، شارگە : سێبەری قەدی شاخ و گرد.
: سێبەری تەن لەبەر ڕۆشنایی هەتاو یان ڕۆشنایی چرا لە تاریکی دا دەردەکەوێت.
:: لە سایەی خودا بە زیاد بێت.
2 – خوێندنی دەرسی بێ حینجەت کردن
3 – ژەنگی ئاسن
4 – پێش وشەی سەرمایە واتا : دارایی
:: سایە و سەرمایەم چوو.
5 – وشەیەکە لە قوماری پەڕان دا دەگووترێت.
6 – باڵاپۆشی پێش ئاواڵەی ژنانە.
7 – وشتری ناڕەسەن.{ هەژار، ل، 410}.
8 – ڕکێف، لەژێردەسەڵات، لەبەر میهرەبانی خودا.
9 – کەوای شۆڕ و ئاودامێنی ژنانە.
سایەبان/sayeban: ن:
1 – هەرچی سایەی هەیە، بەسێبەر. یەوەی سێبەر بکات بۆ سەر وەکو کەپر، چەتر و سەیوان.
2 – بریتی لە پیاوی مەرد و خاوەن چاکە.
{
ئەبرۆی کەمان، کێسووی کر مەند، زاری بە خەند، باڵای بڵەند
هەم سایەبان ، هەم سوورەجان، هەم نارەوان دوو نارەوەن
،
لەو ڕۆژەکە دوورەبۆتەوە سایەت لەسەری من
سووتاوە لە تاوت هەموو جان و جگەری من
}{ وەفایی}.
سایەبوون/saye bûn: ن:
1 – چاوەڕێ بوون.
2 – هەست ڕاگرتن.
سایەپەرست/saye perist: ئان: کەسێ یان ئاژەڵێ یان درەختێک ئارەزووی لەبەر سێبەری هەبێت.
سایەپۆش/saye poş: ن: کۆڵانی تەنگ کە سەری خانووەکان گەیونەیەک.
سایەتەواو/saye tewaw: ن:
سایەترس/saye tirs: ئانتـ: کەسێک کە تەنانەت لە سێبەری خۆشی بترسێت.
سایەچەور/saye çewir: ن:
1 – پیاوی دەهندە و دلۆڤان.
2 – کەسێک کە قازانجی بۆ دەست و پێوەندی زۆربێت.
:: پیاوێکی سایەچەورە.
سایەخۆش/saye xoş: ئانتـ: خۆش سێبەر : درەختێک کە بە گەڵا و سێبەرێکی خۆشی هەبێت.
سایەدار/sayedar: ئانتـ: سایەڎار ( هـ)، سێبەردار : پەنادەری لێقەوماوان.
سایەداری/sayedarî: نچ: سایەڎاری( هـ).
سایەک/sayek: ن: سا، سایە، سێوەر.
سایەکاری/sayekarî: ن: سەرلێشێواندن.
سایەلێ کردن/saye lê kirdin: ن: سێبەر لێ کردن.
سایەنشین/saye nişîn: ن: سێبەرنشین : کەسێکی بێکارە هەر لە سێبەر دانیشتن و بە دوی کارێک دا نەگەڕێت.
سایەوان/sayewan: ن: سایەبان.
سایەوشک/saye wişk: ن: بریتی لە ڕژد، چروک، چکوس، دەس قوچاو، ڕەزیل.
سایە و پەنا/saye û pena: نتـ: داڵدە، مەکۆ، جێ خۆشاردنەوە.
.
.
.
.