تەشک ¹/teşik: ن:[ توێ][ پهـ : تەشكەنەک، تەشكووک][ کباک] ئاتەگ، بەریان، شاقەل، قەوارە، قڵخ، لاق، لینگ و لەتەر : لە پشتێنە بەرەوخوار.
تەشکەڵ/teşikel: ن:[ كۆ][ تەشک+ ئەڵ] داوێن.
تەشک و داوێن/teşik û dawên: نتـ:[ تەشک+ و+ داوێن]
1 – داوێن، سەروخواری داوێن.
:: ئاوچۆڕچۆڕ لە تەشک و داوێنیان دەتكێ.{ هاوربەرە، ل، 59}.
2 – كراس.
{
كابانە توڵەی گەورەماڵان
تەشک و داوێنی لە ئەرزی ناخشێت
بەڵام هەر رمیەی لە عەرزی دێنێت
}{فۆڵكلۆر}.
.
.
___________________________
تەشک ²/teşk: ن: تەشق :
1 – توندوتیژی، سەرماو گەرما.
2 – پەڕپەڕۆچكە، تاق.
تەشکی ئاسمان/teşkî asman: نتـ:[ تەشک+ ئی+ ئاسمان] بنەبانی ئاسمان، پەڕپەڕۆچكەی ئاسمان، تەشقی ئاسمان، تاقی ئاسمان.
{
ئەوجار هەستەوە بڕۆ بەرەو ژوور
مەوێستە هەتا تەشكی ئاسمان
}{ هێمن}.
.
.
_________________________
تەشک ³/teşk: ن:[ هـ] لاق، تەنیشت : تەرككەوتنی ووڵاخ.
.
.
_____________________________
تەشک 4/teşk: ن:[ ئەردە]
1 – تەشک و دیمەن، قەڵافەت، قەوارە، ریخت : بەژن و باڵا.
3 – درێژۆکە، لاکێشە.[ ئینگـ : Elognated shape].
تەشک زراڤ/teşk zirav: ئانتـ:[ کباک] لاواز، بێتین.
تەشک زراڤی/teşk ziravî: نتـ:[ کباک] لاوازی، بێتینی.
تەشککەوتن/teşk kewtin: كتن: بێ تینكەوتن، لاكەوتن.
.
.
.
.