بازوو/bazû: ن:[ توێ] [ ئاڤێستا : uzAb: باسو ][  پهـ : بازاك :  bāzuk] بارووڵە، باسك، باهوو، بارگ، چەمپل، چەمپیل، چەنگ : čeng( كباك)، قۆڵ  :  دەکەوێتە نێوان سەرشان( ناوەندی شان) و ئانیشك لە پەلی مرۆڤدا. [ لا : brachium ]

{

بازوو هەم جەتار، بلورڕەخشان 

مەیگوون لەب چولەعل، دانەی بەخشان

}{ خانا}.  

بازووەن/bazûen: نتـ:[ فە][ بازوو+ وەن( وەند : بەند)] بازووبەند، قۆڵ.  

بازووبەند/bazû û bend: نتـ:[ باز( بازوو)+ بەند]

1 – بازیبەند: جۆرە خشڵێكە ژنانە دەقۆڵ دەكرێت بۆ خۆڕازاندنەوە.

2 – بازووەن، بازیوەن، قۆڵەوان، قۆڵبەند: نوشتە و دوعا یەكە بۆ مەبەستی جۆربەجۆر دە بەرگی چەركی دەكەن و لە بازووی دەبەستن .

بازووی كرێكار/bazûy kirěkar: نتـ:[ ئاب][ ڕامیـ] هێزی كار.

بازووی دەرگا/bazûy derga: ن: لاشیپان.

.

بازی بەند/bazî bend: نتـ:[بازی( ی _ وو)+ بەند] بازووبەند، قۆڵبەند، تۆڵبەند، بازیوەن: ئەو جۆرە بازنەیە كە لە بازوو دەكرێت.

بازیوەن/bazîwen: نتـ:[ بازی(بازوو)+ وەن(وەند، بەند)] بازووبەند _ بازی بەند، قۆڵبەند، تۆڵبەند: ئەو جۆرە بازنەیە كە لە بازوو دەكرێت.

.

ئێسکی بازوو/êskî bazû: نتـ:[ توێ] ئێسکی باسك : کە لە دوو لای لەشی مرۆڤ و لە پەکەرەی دەستدا جێگیر بووە. ئەم ئێسکە لە سەرەوە( بەشی : proximal) لەگەڵ ئێسکی دەفە( کتف) جومگەی( مەفسەل) شان و لە خوارەوە ( بەشی : distal) لەگەڵ ئێسکی کەوەرە (ulna) و زەند(radius)، جومگەی ئانیشك/ ئەنیشک پێک دێنێت.[ لا : humerus]

شکانی بازوو/šikanî bazû: نتـ: بازوو شکان. [ لا : corporis humeri]

.

.

______________________

بازوو/bazû: ن:[ ڕەنگ][ لە هەندێك ناوچە دەنگی پیتی (گ) دەبێت بە (وو) ] بازگ، بەڵەك، حالـی گایەك كە كلك و لاقی سپی بن.

.

.

.

.

.

.