گۆزه‌/goze: ن:[ کەرەستە][ وێنەی گۆزە ]

{

ئێوارەیە وا هەڵگرە سا گۆزەی تازە
‌ڕێی کانی قوربان ! مونتەزری جیلوەی نازە

}{ گۆران}

گۆزەبانە/gozebane: نتـ: گوێزەبانە.

گۆزەك/gozek: نتـ: گوێزینگ، گووزەك.

گۆزەكوت/gozekut: نفا: سوواڵەت.

گۆزەڵە/gozeľe: نتـ: گۆزەی بچکۆڵە.

گۆزه‌ی سوور‌/goze: نتـ:[ کەرەستە] گۆزه‌ی سوور بۆ ئاوهێنان و سارد ڕاگرتنی ئاو دروست ده‌کرێت. بن و زارکی له‌ دیزه‌ باریكتره‌ به‌ڵام نێوقه‌دی ئه‌ستوورتره‌. گۆزه‌ی سوور که‌ ئاوی تێده‌کرێت ورده‌ ورده‌ به‌شێکی زۆر که‌م له‌ ئاوه‌که‌ی به‌ هه‌موو لایه‌کی‌دا ده‌ده‌ڵێنێت و دیوی ده‌ره‌وه‌ی به‌ ته‌ڕی ده‌مێنێته‌وه. ئه‌و ته‌ڕایییه‌ به‌ره‌ به‌ره‌ ” بەهەڵم چوون” ده‌بێت و گه‌رمای پێویست بۆ هەڵمکردن له‌ ئاوی نێو گۆزه‌که‌ وه‌رده‌گرێت به‌م جۆره‌ گه‌رمای ئاوی گۆزه‌که‌ له‌ نێو ده‌چێت و پێش له‌ گه‌رم وونی ده‌گیرێت. ته‌نانه‌ت ئاوه‌که‌ی ساردتریش ده‌بێته‌وه‌. به‌ڵام دوای ماوه‌یه‌ك کارکردن ئه‌و کونه‌ وردانه‌ی که‌ گۆزه‌ ئاوی پێدا ده‌ده‌ڵێنێت ده‌گیرێت و وه‌ك پێشتر ئاو به‌ ساردی راناگرێت و بۆنی ناخۆشیش ده‌گرێت. گۆزه‌ که‌ وای لێدێت ده‌خرێته‌ نێو ته‌ندووره‌وه‌ و به‌و کاره‌ ده‌ڵێن زرینگاندنه‌وه‌. دیزه‌ و گۆزه‌یه‌ك که‌ زرینگابێته‌وه‌ سه‌ر له‌ نوێ ئاو و دۆ ناخۆش ناکات و ساردتریشی راده‌گرێت. به‌ڵام دیاره‌ وه‌ك هی تازه‌ی لێ نایه‌ته‌وه‌.

گۆزەی گەورە‌/gozey gewre: نتـ:[ کەرەستە] ئاڤلینە، گۆزەبانە.

گۆزەهەنگ/gozeheng: نتـ: شانەی هەنگ کەلە ناو گۆزە بەخێودەکرێت.

.

.

_________________________

گۆزه‌/goze: ن:ن:[ فەل]  دۆڵچە / سەتڵ : یەکێکە لە کەڵووەکان.

.

  دۆڵچە / سەتڵ / گۆزە 1 دۆڵچە – 29 دۆڵچە  Aquarius   دەکەوێتە نێوان بەفرانبار و ڕێبەندان 21 يناير – 18 فبراير   30 ڕۆژ 16:44   

.

.

.

.

.

.