پەرۆش ¹ /peroş: ئان، ن: ئاخ، ئاهین( کباک)_ ئاهێن، ئالووس، پەرێشانی، پەژارە، پەکوو، پۆژن، پووشکوول، تاوان، جەخار، حەچمەت، حەیف، خەم، خەفەت، داخ _ داخی دڵ، دەرد، دلمایی، دڵگری، سەخلەتی دڵ،  سۆ _ سووێ، شڕوو، غەم، کزی، کۆڤان _ کووڤان، کۆلاو، هەژمەت

{

ئیمرۆ خەلکی خاوەن هۆشە

بۆ ئامانجی بە پەرۆشە

بۆ شتێ ئەڵقە لە گۆشە

کە سەودای منیشە و تۆشە

}{دیلان}.  

پەرۆش بەخواردن/peroş bexwardin: کتن: سوولێبوونەوە، دەست بەئەژنۆخۆدادان، خەمخواردن.

پەرۆش دڵ/peroş diľ: ئانتـ:[ کباک] دڵ بەپەرۆش.

پەرۆشدار/peroşdar: ئانتـ: خەمگین، شالـی، کۆڤاندار _ کووڤاندار _ کووڵۆڤان، کز، کوولک، ئەجین، داماو، خدۆک، خەمخۆر، باەس( کباک)، دڵگە، بێنافسۆک.

پەرۆشداری/peroşdarî: نچ:[ پەرۆش+دار+ئی] خەمباری.

  

بەپەرۆش/beperoş : ئانتـ: خەمخۆر، خەمگین، کز، برەش( کباک).

بەپەرۆش بوون/beperoş bûn: کتن: نیگەران بوون، خەمخواردن، خاترجەم نەبوون لە بابەت کەسێک یان تشتێکەوە. 

بێ پەرۆش/peroş: ئانتـ:[ بێ+ پەرۆش] سەرگندان( کباک)،

.

.

_______________

پەرۆش ² /peroş: ن:[ ڕوو] گیایەکە گەڵای وەکوو گوێی تاجی وایە و قەراخی گەڵاکانی وەکوو دمی مشاری و دڕواوییە، چەند گوڵێکی زەردی دڕواوی دەردەکات. 

.

.

_______________

پەرۆش ³ /peroş: ن:[ ناڤ]

1 .  لە زمانی کوردی دا ناوە بۆ ڕەگەز یان  نێرینەیە، .

2 .  نازناوی شاعیری گەورەی کورد عەبدولـلە پەرۆشە.  

.

.

.

.