یەنگی دونیا/yengî dunya: ن:[ ڕوو] ئاڵوی ژاپۆنی، ئەكی دونیا، هەنگی دونیا : دارێکی باڵاکورتە و گەڵاکانی رەنگیان سەوزێکی پڕ رەنگ یان تۆخن، گوڵەکانی سپی و بچکۆلەن و بۆنێکی توندیان لێدێت. لەسەرەتاوە لەوڵاتی چینەوە براوە بۆ ژاپۆن و خەڵکی بەمیوەیەکی ژاپۆنی دەزانن. ئێستا لەزۆربەی بەشەکانی جیهاندا دەچێندرێت و بەردەگرێت. ئەم دارە بەرێک دەگرێ لەشێوازدا لە کویژدەچێت بەڵام لە قەبارەدا بەئەندازەی هەڵووچەیەک دەبێت و هەر وەک هەڵووچە و ئاڵوباڵوو بەکاردەخورێت. ئەم میوەیە ئاودارە و تامەکەشی شیرینێکی کەم تامەی مەیلەو ترشی هەیە. ئەگەر پیستەکەی قەڵەو بێت، ئەوا پیستی لێدەکرێتەوە و گۆشتەکەی ناوەوەی دەخورێت دەکەننەوە دەنا بەپێستەوە دەخورێت.
: بەهایەكی خۆراكی بەرزی هەیە بەوەی كە بەچەندین ڤیتامین و كانزا و ماددەی دژەئۆكسان باركراوە و كالۆری كەم لەخۆدەگرێت بەرێژەی 47 كالۆری لە 100 گرامدا، هەروەها دەوڵەمەندە بە پێكتین Pectin كە جۆرێكی ریشاڵی تواوەیە و كۆڵۆن لە شێرپەنجە دەپارێزێت و رێگا لەقەبزی دەگرێت، پێكتین بە یەكگرتن لەگەڵ ترشی زەرداو ئاستی كۆلیستیرۆلی خوێن دادەبەزێنێت. یەنگی دونیا سەرچاوەیەكی زۆرباشە بۆ ڤیتامین A بە رێژەی 1528 یەكەی جیهانی لە 100 گرامدا، ئەم ڤیتامینە گرنگی زۆری هەیە بۆ پاراستنی تەندروستی پێست و پەردە لینجەكانی لەش و خۆپارستن لەشێرپەنجەی بۆشایی دەم و سییەكان. یەنگی دونیا چەندین ئاوێتەی ماددە فلاڤۆنۆیدەكان Flavonoids لەخۆدەگرێت كەبایەخی تەندروستی یەكجار زۆریان هەیە، هەروەها دەوڵەمەندە بەپۆتاسیۆم كە بەشێكی گرنگە لەخانە و شلەكانی لەش و رۆڵی هەیە بۆ كۆنترۆلكردنی پەستانی خوێن و لێدانەكانی دڵ، لەگەڵ كۆمەڵەی ڤیتامین B بەتایبەتی B3، B6، B9، C، هەروەها كانزایەكانی ئاسن، كۆپەر، مەنگەنیز كە رۆڵی گرنگیان لەلەشدا هەیە.[ ئینگ: Japanese plum ، Loquat][ Bot : Eriobotrya Japonica].
| ناوەڕۆک لە 100 گرامدا | ||
| هێزی وزە | 47 kcal | |
| پرۆتین | g 0.43 | |
| کاربۆهیدراتەکان | g 12.14 | |
| رێشالەکان | 1.7 g | |
| چەوری | 0.2 g | |
| ئاو | ||
| ڤیتامینەکان | ڤیتامین A | 76 μg (10%) |
| ڤیتامین Thiamine (B1) | 0.019 mg (2%) | |
| Riboflavin (B2) | 0.024 mg (2%) | |
| Niacin (B3) |
0.18 mg (1%)
|
|
| Vitamin B6 | 0.1 mg (8%) | |
| Folate (B9) | 14 μg (4%) | |
| Vitamin C | mg 1 (1%) | |
| کانزاکان | کالیسیۆم | 16 mg (2%) |
| ئاسن | 0.28 mg (2%) | |
| مەگنیزیۆم | 13 mg (4%) | |
| مەنگەنیز | 0.148 mg (7%) | |
| فۆسفۆر | 27 mg (4%) | |
| پۆتاسیۆم | 266 mg (6%) | |
| سۆدیوم | 1 mg (0%) | |
| زینک | ||
.
.
.
.
{
سەرچاوە :
}